कपिलवस्तु । अन्तहः मेगा अडिसनबाट १३औं कपिलवस्तु डान्स आईडलका प्रतियोगिको छनौट भएका छन् । शुक्रबार मेगा अडिसन सकी मञ्च चढ्ने १५ जना प्रतियोगिको छिनोफानो भएको हो । जसमा १४ जना महिला र १ जना पुरुष छन् । अब उनीहरुले मंसिर २० गतेबाट मंच चढ्ने छन् ।

मंसिर १९ गतेदेखि पौष २ गतेसम्म महोत्सव आयोजना गरेको आयोजक कपिलवस्तु उद्योग बाणिज्य संघको सभाहल चारनम्बरमा भएको अडिसनबाट प्रतियोगि छान्न निकै सकस भएको आईडल संयोजक विष्णु मल्लले जानकारी दिईन् । मेगा अडिसनमा २१ जना सहभागी थिए ।

डान्स आईडलका मुख्य निर्णायक हरिशरण रिजालले फिजिकल र डिजिटल अडिसनबाट १५० जना सहभागी भएकोमा उत्कृष्टबाट सर्वोत्कृष्ट प्रतिभा छानिएको बताए । यसपटक आईडलमा नयाँ नयाँ अभ्यासहरु प्रयोग गरिने रिजाल बताउँछन् ।

१५ जना नै निकै राम्रो नृत्य गर्ने प्रतिभाहरु भएकाले जसले जिते पनि राम्रो प्रतिभाले जित्ने आइडल संयोजक रिजाल र निर्णयक संयोजक रिजालको दावी छ ।

आईडलको विजेताले नगद १ लाख ११ हजार १११ रुपैयाँसहित चाँदीको ट्रफी प्राप्त गर्ने छ भने उपविजेताले ७७ हजार ७७७, तृतीयले ५५ हजार ५५५ र सान्तवना हुनेले २५ हजार ५२५ रुपैयाँसहित ट्रफी र विभिन्न गिप्ट ह्याम्परहरु प्राप्त गर्ने छन् ।

कोको छानिए मेगा अडिसनबाट ?

१.निरुता वि.क
२. आस्था थारू
३. अनुस्का थारू
४.सन्ध्या परियार
५. अनुस्का पाण्डे
६..स्मारिका खनाल
७. निलम पौडेल
८. प्रिन्सा हमाल
९.जस्मिन घिमिरे
१०.प्रतिज्ञा गिरी
११.पवित्रा कु. छहरी मगर
१२.सन्ध्या खनाल
१३. रबिना रास्कोटी
१४.वितिता भुसाल
१५. अर्नप परियार