चन्द्रकान्त न्यौपाने

काठमाण्डौँ । नक्कली भुटानी शणरार्थी र संगठित भ्रष्टाचारविरुद्ध स्वतन्त्र नागरिकहरुले शनिबार काठमाण्डौँको नक्सालमा वृहत प्रदर्शन गर्दा धेरै दृश्य हेर्न लायक थिए । तीमध्ये धेरैको ध्यान खिचेको दृश्य थियो पूर्वगृहमन्त्रीसमेत भइसकेका राष्ट्रिय स्वतन्त्र पार्टीका सभापति रवि लामिछानेले काजमा खटिएका प्रहरीलाई स्यालुट ठोकिरहेको । सभापति रवि लामिछानेले नक्कली भुटानी शणरार्थी प्रकरणमा नेपाल प्रहरीले गरेको कामको उच्च प्रसंसा गर्दै उनीहरुको मनोबल बढाउन स्यालुट ठोकेका थिए ।

पूर्वगृहमन्त्रीले प्रहरीलाई स्यालुट ठोकेको नेपाली राजनीतिमा यो विरलै देखिने दृश्य हो । कतिले रविले लोकप्रियताको लागि यसो गरेको भनेका छन् भने धेरैले प्रसंसा गरेका छन् ।

रविको यो दृश्यले धेरैको मन खिचेको थियो । रविले स्यालुट ठोक्दा प्रहरीसमेत अक्क न बक्क् थिए । त्यसअघि ती प्रहरीले रविलाई स्यालुट ठोकेका थिए ।

अरु प्रहरीहरु पनि हेरेकै हेरै भएका देखिन्थे । उनीहरुको मुहारमा मलिनता र खुसी दुवै छरिएको देखिन्थ्यो । रविले एउटा उच्च तहको संस्कार प्रदर्शन गरेको बुद्धिजिवीको भनाई छ । राम्रो काम गर्ने जोकोहीलाई पनि सम्मान गर्न कोहि हिच्किचाउन नहुने उनीहरुले अपि टाइम्सलाई बताए ।

प्रहरीलाई स्यालुट ठोक्दा रविले केहि समय भनाई पनि राखेका थिए । नेपाल प्रहरीले अहिले निकै राम्रो काम गरेको भन्दै खुट्टा नकमाउन आग्रह गरेका थिए । कुनै पनि लोभ लालच, प्रलोभन र दबाबमा रही काम नगर्न उनले सुझाएका थिए ।