काठमाडौँ । इन्डियन प्रिमियर लिग (आईपीएल) अन्तर्गत हैदरावादको राजीव गान्धी स्टेडियममा विहिबार भएको खेलमा विराट कोहलीले शतक प्रहार गर्दा उनले किर्तिमानी कायम गरेका छन् । सनराइजर्स हैदरावादलाई ८ विकेटले पराजित गरेको खेलमा विराटको शतकले बैङलोरले खेल जित्यो ।

कोहलीले जारी सिजनको पहिलो शतक प्रहार गरे भने आइपिएल करिअरमा छैटौं शतक प्रहार गरे । त्यसअघि उनले १९ अप्रिल २०१९ मा कोलकाता नाइट राइडर्सविरुद्ध शतक बनाएका थिए। त्यसपछि भने कोहलीको नाममा शतक लेखिएको थिएन ।

यसरी कोहलीले १४८९ दिनपछि आईपीएलमा शतक बनाएका हुन्। यसअघि सन् २०१६ को सिजनमा कोहलीले ४ शतक बनाएका थिए। आईपीएलमा उनको उत्कृष्ट स्कोर ११३ रन हो।

छैटौं शतकसँगै कोहलीले आईपीएलमा सर्वाधिक शतक बनाउने कीर्तिमानको बराबरी गरेका छन्। वेस्ट इन्डिजका क्रिस गेलले पनि आईपीएलमा ६ शतक बनाएका छन्।

यो सूचीमा जोस बटलर ५ शतकसहित दोस्रो स्थानमा छन्। विराटले शतक बनाउँदा कप्तान फाफ डु प्लेसिसले ४७ बलमा ७१ रन बनाए। यो जितसंगै बैङलोरको १४ अंक भएको छ । उसको प्ले अफ पुग्ने सम्भावना कायम राखेको छ ।