काठमाडौं । अमेरिकामा रहेका नेपाली पत्रकारहरूको साझा संस्था नेपाल अमेरिका पत्रकार संघ ९नेजा०को अध्यक्षमा बुटवलबाट पत्रकारिता सुरु गरेका सुरज भण्डारी निर्वाचित भएका छन् ।

यसअघि संघको महासचिव रहनुभएका भण्डारीले आइतबार भएको निर्वाचनमा प्रतिस्पर्धी भन्दा झण्डै तेब्बर मत ल्याएर विजयीभएका हुन् । । उनले ५४ मत ल्याउँदा उहाँका प्रतिस्पर्धी मधुकर अधिकारीले १९ मत पाए ।

नेजामा कुल ८१ जना सदस्य रहेकोमा ७३ जना मात्रै मतदानमा सहभागी भएका थिए । अन्य आठ जना अनुपस्थित थिए । अमेरिकाको टेक्ससमा भएको नेजाको आठौँ अधिवेशन तथा १६औँ साधारण सभाबाट अन्य पदाधिकारी तथा सदस्यहरू भने निर्विरोध निर्वाचित भएका छन् ।

अधिवेशनबाट नेजाको उपाध्यक्षमा सुजन पण्डित, कोषाध्यक्षमा जानु पंगेनी, उत्तर क्षेत्रीय संयोजकमा सुपेन्द्र बस्नेत, पश्चिम क्षेत्रीय संयोजकमा रोशन अधिकारी, मध्य क्षेत्रीय संयोजकमा शंकर थापा, महासचिवमा बाबुराम दाहाल र सचिवमा प्रतिमा बास्कोटा चयन भएका छन् ।

सदस्यहरूमा भने केशव रेग्मी, झरना अधिकारी, ईश्वरी न्यौपाने र हेमराज बराल निर्वाचित भएको नेजाका संस्थापक अध्यक्ष तथा आठौँ अधिवेशनको निर्वाचन समितिका संयोजक गिरीश पोखरेलले जानकारी दिए ।