काठमाडौँ । पटकपटक आफूविरुद्ध मुद्धा हालिएकोप्रति राष्ट्रिय स्वतन्त्र पार्टीका अध्यक्ष तथा चितवन क्षेत्र नम्बर २ का सांसद रवि लामिछाने इरिटेट भएका छन् । आफ्नो नागरिकता र राहदानीको विषय अदालत र सदनमा पटकपटक उठेपछि आफू इरिटेड नै भएको सभापति लामिछानेले सामाजिक संजालमार्फत् जनाएका हुन् ।

यही विषयप्रति बुधबार सदनमा उनले कडा जवाफ माग गरेका थिए । उनले विहिवार पनि यहि विषयमा लेखेका छन् । उनले मुद्दा हाल्नु र मुद्दा हाल्ने उद्योग चलाउनु दुई अलग कुरा हुन् भन्दै मान्छेलाई इरिटेट गर्ने पनि सिमा हुन्छ भनेर प्रश्न गरेका छन् ।

उनी लेख्छन् ‘ मुद्दा हाल्नु र मुद्दा हाल्ने उद्योग चलाउनु दुई अलग कुरा हुन् । मान्छेलाई इरिटेट गर्ने पनि सिमा हुन्छ।

१) सर्वोच्च अदालतको मिती २०७९/१०/१३को फैसलाको प्रकरण नं.२२, २८ र ३२ मा मैले अमेरिकी नागरिकता परित्याग गरेको तथ्य confirm गरेको छ।

२) अमेरिकि नागरिकता त्यागेको सक्कल निस्सा जिप्रका काठमाडौमा पेस गरि नेपाली नागरिकता पुन कायम गराएको छु ।

३) अदालतले झिकाउनु भनेको अमेरिकी राहदानीको सक्कल निस्सा मैसँग भएकाले मिति २०८०/०२/ ०९ मा सर्वोच्च अदालतमा बुझाइसकेको छु। यसको जानकारी र सक्कल बमोजिम नक्कल मिती २०७५/०३/०६ मा अध्यागमनलाई सप्रमाण बुझाइसकेको थिएं। टेलीभिजन बाट घोक्रो सुक्ने गरि सप्रमाण बोलीसकेको थिएं।

४) घण्टी लाई बजाउन मात्र होईन घण्टीले बजाउन पनि मिल्छ।