तौलिहवाः सार्वजनिक बिदाको दिन पनि जिल्ला प्रशासन कार्यालय संचालन गर्ने निर्णयले कपिलवस्तुका सेवाग्राही लाभान्वित हुन थालेका छन् ।

कार्यालयमा शंकरहरि आचार्य प्रमुख जिल्ला अधिकारीको रुपमा आएलगत्तै सर्वसाधारणले यो सुविधा पाएका हुन् । शुक्रबार बुद्ध जयन्ती एवं उभौली पर्वको सार्वजनिक विदा थियो । तर कार्यालय खुल्दा सयौँ सेवाग्राहीले बिभिन्न सेवा लिए । प्रशासनको यो निर्णयलाई सर्वसाधारणले पनि प्रसंसा गरेका छन् । जिल्ला प्रशासनको सेवाप्रवाहलाई छिटो, छरितो, चुस्तदुरुस्त र जनमुखी बनाउन यस खालको अभ्यासमा लागेको प्रजिअ शंकरहरि आचार्यले अपि टाइम्सलाई बताए । उनका अनुसार शुक्रबार करिब २ सय जनाले सेवा लिएका छन् । जसमा
पासपोर्ट लाईभ ईनरोलमेन्ट – २७ जना
पासपोर्ट वितरण – ९ जना
पासपोर्टको अनलाईन फाराम भर्नका लागि नाम, नामेसी लेख्ने कार्य– ९ (आज आएका सेवाग्राहीले आजै अनलाईन फाराम भरेको)
राष्ट्रिय परिचयपत्र ईनरोलमेन्ट– १५ जना
राष्ट्रिय परिचयपत्र (ल्क्ष्म्) नं. खोज्ने कार्य – १० जनाको
नयाँ नागरिकता – ३ जनाले लिएको
नागरिकता प्रतिलिपी– १० जनाले लिएको
राहदानी क्थकतझ मा क्भअगचभ गरिएको– ४५० थान
हजयात्रीहरुको दोस्रो किस्ताको विवरण प्रविष्टी–५२ जना रहेका छन् ।

यसअघि मजदुर दिवसको दिन र नयाँ वर्ष २०८० सालको पहिलो दिन पनि सेवा प्रदान भएको थियो । विदाको दिन पासपोर्ट, राष्ट्रिय परिचयपत्र तथा नयाँ नागरिकता बनाउने सेवाग्राही बढि आएको उनले बताए ।
जिल्लामा धेरै समस्या रहे तापनि नेतृत्व ठिक हुने हो भने धेरै कुरा परिवर्तन गर्न सकिने उनको विश्वास छ । यसकारण आफू डटेर लागि परेको उनले बताए । अब राष्ट्रिय वाणिज्य बैङ्कको कार्यलय पनि महिनादिन भित्रै प्रशासनभित्रै संचालन गर्ने उनको तयारी छ । राहदानी लगायतका राजस्व दस्तुर बुझाउन सहज होओस् भन्नको लागि एक महिनाभित्रै राष्ट्रिय वाणिज्य बैङ्कको शाखा ल्याउने उनले बताए ।

यो पनि