काठमाडौँ — उद्योगपति तथा कांग्रेस सांसद विनोद चौधरीले नेपालले आर्थिक विकासको द्रुत अभियान सुरु गरिहाल्नुपर्नेमा जोड दिएका छन् । काठमाडौंमा आइतबार आयोजित नेपाल बिजनेस समिट उद्घाटन कार्यक्रम धारणा राख्दै सांसद चौधरीले अहिले युवाहरुको साथ रहने भएकोले आर्थिक विकासको अभियान थाल्नुपर्ने बताएका हुन् ।

नेपालले आर्थिक विकासको द्रुत अभियान अहिले नै सुरु गर्नुपर्छ किनकि हामीसँग यो अभियानका सारथि युवाहरुको बृहत् पंक्ति साथमा छ, उनले भने, १०र१५ वर्षपछि हामीले युवाहरुको यो जोश खोजेर पाउने छैनौं ।

उनले अन्तर्राष्ट्रिय विमानस्थलको उपयोग, छिमेकमा रहेको अवसर र पाइपलाइनमा रहेका मेघा प्रोजेक्टलाई अगाडि बढाउन सरकारलाई सुझाव दिए ।

बजारमा मन्दीका लक्षणहरु पर्याप्त देखिएको उल्लेख गर्दै चौधरीले निजी क्षेत्र हतोत्साहित बनेको बताए । उत्पादनमूलक उद्योगहरुमा २० देखि ८० प्रतिशतसम्म उत्पादन ह्रास आएको छ । जसलाई सरकारी रिपोर्टले पुष्टि गर्दै गएका छन्, उनको भनाइ थियो, निजी क्षेत्र हतोत्साहित छ । बजारमा मन्दीका लक्षणहरु पर्याप्त छन् । विभिन्न रिपोर्टहरुले ३५ प्रतिशतसम्म उद्योगहरु विस्थापित भएको देखाएका छन् । र मुख्य व्यापारिक केन्द्रहरुका सटर खुल्न छाडेका छन् ।

समस्या भए पनि ती समस्यामाथि विजय हासिल गर्न सक्नेछौं भन्ने आत्मविश्वासका साथ काम गर्न उनले सबैमा आह्वान समेत गरे ।