काठमाडौँ । राष्ट्रिय स्वतन्त्र पाटी अन्तर्गत अर्घाखाँची–काठमाडौँ समन्वय समाजको सम्पर्क भेला भोलि हुँदैछ । बुद्धनगर पार्टी प्यालेसमा विहान १० बजे हुने भेलालाई रास्वपा सभापति रवि लामिछाने लगायतका नेताले सम्बोधन गर्ने कार्यक्रम छ ।

भोलिको कार्यक्रमको लागि सभापति लामिछानेसहित उपसभापति डोल प्रसाद (डिपी) अर्याल, प्रतिनिधि सभा सदस्य तथा अर्थविद् स्वर्णिम वाग्ले लगायतले सम्बोधन गर्ने कार्यक्रम रहेकाले सम्पूर्ण पेशा र व्यवसायमा आवद्ध सबैलाई उपस्थितिको लागि समाजले अपिल गरेको छ ।

अर्घाखाचीबाट प्रतिनिधि सभा सदस्य रहेको एमाले सचिव टोप बहादुर रायमाझी नक्कली भुटानी शणरार्थी प्रकरणका कारण पार्टीबाट स्थायी निलम्बनमा परेका छन् ।

अदालतले उनलाई दोषी ठहर गरेमा उक्त स्थानमा एक बर्षभित्र उप–निर्वाचन हुन सक्ने सम्भावना छ । त्यसैले समाजले अहिले बिभिन्न प्रशिक्षण र अन्र्तक्रिया कार्यक्रम गरिरहेको नेता जनक भुसालले अपि टाइम्सलाई जानकारी दिए ।

भोलिको वृहत् कार्यक्रमपछि अर्घाखाँचीमा अबको प्रमुख शक्तिको रुपमा रास्वपालाई स्थापित गर्न बल पुग्ने भुसालको विश्वास छ ।