काठमाडौँ । वेष्टइण्डिजले दिएको तीन सय ४० रनको विशाल लक्ष्य पछ्याइरहेको नेपालले ब्याटिङमा कमजोर प्रदर्शन गरेको छ ।

जिम्बावेको हरारेस्थित खेलमैदानमा जारी खेलमा नेपालले ६ विकेटको क्षतिमा १४२ रन बनाएको छ । यतिवेलासम्म नेपालले महत्वपूर्ण ६ विकेट गुमाइसकेको छ ।

दुवै ओपनरहरू आसिफ सेख र कुशल भुर्तेल, मध्यक्रमका भरपर्दा ब्याटर भीम सार्की, कप्तान रोहितकुमार पौडेल र कुशल मल्ल, दीपेन्द्रसिंह एरी पेभेलियन फर्किसकेका छन् ।

अहिले आरिफ सेख र गुल्सन झाले इनिङ सम्हालिरहेका छन् । नेपाललाई जितका लागि प्रतिओभर नौभन्दा बढी रन बनाउनुपर्ने अवस्था बनिसकेको छ । लगातार अन्तरालमा विकेट गुमाएपछि रिक्वायर्ड रेट पनि लगातार बढिरहेको छ ।