काठमाडौँ । कपिलवस्तुको वाणगंगा नगरपालिका वडा नम्बर ७ का वडा अध्यक्ष विष्णु गिरी नगरकै चतुर वडा अध्यक्षका रुपमा चिनिन्छन् । उनको चतुरता बर्षभरी वडाले गर्ने लक्षित वर्गका कार्यक्रममा देखिन्छ ।

२०७४ सालको चुनाव जितेर नयाँनयाँ काम गरी चर्चाको शिखरमा पुगेका उनै वडा अध्यक्ष गिरीले दोश्रो कार्यकालको लागि स्थानीय तहको चुनावमा पुनः बाजी मारे । त्यसपछि पनि उनका लोकप्रिय कामले निरन्तरता पाइरहेका छन् । चालु आर्थिक बर्ष सकिन लागेको अवस्थामा लक्षित वर्गका कार्यक्रम सक्न लागेका उनले विहिबार फेरि अर्को नौलो काम गरे ‘चौकीदारलाई माइक बाँडेर’ ।

यो कार्यक्रम नितान्त नौलो कार्यक्रमको रुपमा देखिएको कार्यक्रममा सहभागिले बताए । लक्षित वर्गका कार्यक्रममा उनले यसरी चौकीदारलाई समेटेको यो पहिलोपटक हो । त्यसअघि वडाका सुत्केरी महिलालाई लोकल कु्खुरा र अण्डा बोकेर घरमै गएपछि वडा अध्यक्ष गिरीले निकै चर्चा बटुलेका थिए ।

वडाभरी सार्वजनिक सूचना फैलाउने काममा सहयोग पुगोस् भन्ने उद्धेश्यले चौकीदारहरुलाई हाते माइकसहितका सामाग्री वितरण गरिएको उनले कार्यक्रममा बताए ।

गिरीले भनेका थिए, ‘वडामा कुनै पनि बैठक, भेला, कुलाही गर्दा चौकिदारहरुलाई हाक हाल्न सजिलो होस्, सबैले खबर सुचना पाउन्, सुन्न सकुन् भन्ने उदेश्यले सबै टोलका चौकिदारहरुलाइ १ चौकिदार, १ छाता, १ लाइट, १ हाते माइक बितरण गरिएको हो’ ।

माइक पाएपछि चौकीदार पनि खुसी भएका छन् । उनीहरुले वडाले यसरी समेट्छ भनेर नसोचेको अपि टाइम्सलाई सुनाए । अब गाउँमा सुचना सम्प्रेषण गर्न थप सजिलो हुने उनले बताए ।

सोही कार्यक्रममै जन ज्योति मावि मोतिपुर, जनचेतना बनगाई र नवदुर्गाआधारभुत बिद्यालय डाँडाका अति गरिब, बिपन्न १५ जना बिद्यार्थीलाई पढाईमा सहयोग र हौसला पुर्याउन १, १ वटा झोला, १,१ जोर ड्रेस, १,१ दर्जन कापी,कलम, पेन्सिल र इरेजर दिइएको थियो भने ६ जना अपाङ्गता भएकाहरुलाई आय आर्जनमा टेवा पुर्याउन सजिलो होओस् भनेर १,१ वटा बाख्रा बितरण गरिएको वडा अध्यक्ष गिरीले बताए ।

गिरीले धेरै योजना राखेर चाँडो सम्पन्न गर्ने किर्तिमानी अहिले पनि कायम भएकोभन्दै सबैलाई धन्यबाद दिएका थिए ।