काठमाडौँ । नायक विपिन कार्कीलाई ‘कमलामाई’को अवतारमा प्रस्तुत गर्दै प्रतिक्षित फिल्म ‘भगवत् गीता’को टिजर सार्वजनिक गरिएको छ । सुनिल कुमार थापाको निर्माण तथा झरना थापाको निर्देशनमा तयार भएको फिल्मको टिजर आम मानिसहरुले सोचेको भन्दै विल्कुलै फरक देखिएको छ । जसकाकारण, फिल्मप्रतिको कौतुहलता बढ्ने देखिएको छ ।

यो फिल्ममा विपिन कार्कीको साथमा नायिका सुहाना थापा, नायक धिरज मगर, कलाकार कविर खड्का लगायतको अभिनय छ । साथमा फिल्ममा जेविए एण्ड जेभिन श्रेष्ठ, संजोग रसाइली लगायतका कलाकारको अभिनय छ ।

सुहाना थापाको कन्सेप्टमा तयार भएको फिल्ममा झरना थापाको कथा, झरना थापा, सरिना पोखरेल, परिच्छेद सेन, पुरुषोत्त ढुंगेलको पटकथा, परिच्छेद सेन र पुरुषोत्तम ढुंगोलको संवाद छ ।

कविराज गहतराजको कोरियोग्राफी रहेको फिल्ममा हिमाल केसीको एक्सन छ । यो फिल्म भदौको २९ गतेबाट रिलिज हुँदैछ ।

फिल्म ‘एक भगवत् गीता’को टिजरमा धिरज मगरलाई कम स्थान दिइएको छ । निर्माणपक्षका अनुसार, दोश्रो टिजरमा धिरजको भूमिका अझै खुल्नेछ ।

जनकपुर र पोखरामा छायांकन गरिएको फिल्मको टिजरमा सुहाना थापाको भूमिका सस्पेन्स देखाइएको छ । कमर्सियल फिल्म निर्माणमा सधै नै अगाडि रहेको सुहाना इन्टरटेन्मेन्टले यसपटक पनि दर्शकको मन जित्ने विश्वास गर्न सकिन्छ ।