काठमाडौँ । रुपन्देहीको सैनामैना नगरपालिकास्थित सैनामैना मेमोरियलका अमित पोख्रेल एसईई २०७९ मा रुपन्देहीमै उत्कृष्ट बनेका छन् । विद्यालयका प्रिन्सिपल जेवि क्षेत्रीले अंकको पुर्नयोगपछि मेधावी छात्र पोख्रेलको ३ दशमलव ९५ जिपिए भएको र यो अंक रुपन्देहीमै सबैभन्दा धेरै (प्रथम) रहेको प्रिन्सिपल क्षेत्रीले दावी गरेका हुन् ।

गत असार २२ गते प्रकाशित नतिजाबाट तिब्र असन्तुष्ठ रहेका उनी र विद्यालयले पुनर्योगका लागि परीक्षा नियन्त्रण कार्यालयमा निवेदन दिएका थिए। परीक्षा नियन्त्रण कार्यालयले बुधबार प्रकाशन गरेको पुनर्योग तर्फको पहिलो लटको नतिजामा उनको अङ्ग्रेजी विषयमा पहिले रहेको ग्रेड वृद्धि [३ दशमलव ९५ ] कायम रहन पुगेको विद्यालयका प्राचार्य जेबि क्षेत्रीले बताए ।

यसपटक रुपन्देहीमा कुनै विद्यालयले पनि ४ जिपिए हासिल गर्न सकेका थिएनन् । यो नतिजा हासिल गर्ने पोख्रेललाई प्रिन्सिपल क्षेत्रीले बधाई दिँदै शिक्षकशिक्षिकालाई पनि धन्यबाद दिएका छन् ।