काठमाडौँ । समाजवादी मोर्चामा आवद्ध दलका विद्यार्थीहरुले समाजवादी विद्यार्थी मोर्चा गठन गरेका छन् । सो मञ्चको आइतबार घोषणा हुने कार्यक्रम रहेको छ । च्यासलस्थित हिमालयन कलेज अफ इन्जिनियरिङमा विद्यार्थी मोर्चाको घोषणा हुने कार्यक्रम तय भएको छ ।

घोषणा कार्यक्रमलाई प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, नेकपा (एकिकृत समाजवादी) का अध्यक्ष माधवकुमार नेपाल, जनता समाजवादी पार्टी, नेपालका अध्यक्ष उपेन्द्र यादव र नेकपाका महासचिव नेत्रबिक्रम चन्द ‘विप्लव’ लगायतका नेताहरुले सम्बोधन गर्ने बताइएको छ । नेतृत्व कसले गर्छ भन्ने अझै टुङ्गो छैन ।