काठमाडौँ । कपिलवस्तु ब्यापार संघका पूर्व अध्यक्ष शंकर प्रसाद आचार्यको निधन भएको छ । उनको काठमाण्डौँ बसुन्धरास्थित आफ्नै घरमा ६७ बर्षको उमेरमा विहिबार निधन भएको हो ।

क्यान्सर रोगसंग लामोसमयदेखि जुधिरहेका आचार्य विगत केहि समयदेखि काठमाण्डौँमै बसेर उपचार गराइरहेका थिए । परिवारको साथमा रहेर उपचार भइरहे पनि बचाउन नसकिएको पारिवारिक श्रोतले अपि टाइमसलाई बतायो ।

वाणगंगा नगरपालिका वडा नम्बर २ पिपरा घर भएका आचार्य वरिष्ठ समाजसेवीको रुपमा चिनिन्थे । उनी बिभिन्न सामाजिक संस्थामा पनि आवद्ध थिए ।

आचार्यको निधनपछि कपिलवस्तु उद्योग वाणिज्य संघका अध्यक्ष डोलकराम घिमिरे र निवर्तमान अध्यक्ष उमानाथ पौडेलले दुख ब्यक्त गरेका छन् ।