कपिलवस्तु । वाणगंगा र बुद्धभूमि नगरपालिकाको सिमा क्षेत्र ‘खारखानी’ भन्ने ठाउँ ठाउँमा १० गाइगोरुको मृत्यु भएको छ । गोरुसिङ्गे र बनगाइ सडकखण्डको बिचमा रात्री वसको ठक्करबाट ती पशु चौपाएको मृत्यु भएको हो ।

गाईगोरुलाई ठक्कर दिने वसलाई इलाका प्रहरी कार्यालय गोरुसिङ्गेले अहिले नियन्त्रणमा लिएको बताइएको छ । बसको ठक्करबाट अरु पशु चौपाय पनि घाइते भएका स्थानीय पत्रकार चेतन विष्टले फेसबुकमा राखेका छन् ।

गाईगोरु सडकमा हुलको अवस्थामा रहेका बखत एक्कासी वस आएर ठक्कर दिएपछि घटना भएको स्थानीयको भनाई छ । मरेका गाईगोरुलाई जेसिबीको सहायताले प्रहरी र स्थानीयले जंगलमा व्यवस्थापन गरेका छन् ।

घटनाबारे प्रहरीले चालकसंग सोधपुछ गरिरहेको बताइन्छ । बाणगंगामा छाडा पशुचौपायको संख्या धेरै भएपछि दुर्घटना बढिरहेको छ भने धेरै पशुचौपायको यसरी मृत्यु भइरहेको छ । चालकले जानाजान राष्ट्रिय जनावर गाईलाई मारेको ठहरिएमा कानुनअनुसार कारबाहीको व्यवस्था हुनेछ ।

यस्ता विषयमा स्थानीय सरकार र अरु निकाय मौन रहँदा समस्या दिनप्रतिदिन बल्झिरहेको सरोकारवाला बताउँछन् ।