कपिलवस्तु । कपिलवस्तुको बाणगंगामा कुलाले बगाउँदा एक महिलाको ज्यान गएको छ । जिल्लाको बाणगंगा नगरपालिका वडा नम्बर ८ ढोडेकोल स्थित बाणगंगा नदिबाट सिँचाईका लागि बनाइएको स्थानीय कुलोमा बिहिबार माछा मार्ने क्रममा डुबेर ५० वर्षीय गुड्ढी थारुको मृत्यु भएको हो ।

ईलाका प्रहरी कार्यालय पिपराका अनुसार मृतक बिहानको समयमा कुलोमा माछा मार्नै क्रममा महिलालाई बगाएको थियो । उनको शव झण्डै एक किलोमिटर तल फेला परेको बताइएको छ ।

उनको शवलाई पोष्टमार्टमका लागि जिल्ला अस्पताल तौलिहवा पठाइएको र घटनाका सम्बन्धमा थप अनुसन्धान भइरहेको प्रहरीले जनाएको छ । मृतक थारुका श्रीमान, २ छोरी र एक छोरा छन् ।