काठमाडौँ । नेपाल प्रहरीका ४८ जना प्रहरी उपरीक्षक (एसपी)हरूको सरुवा गरिएको छ । सरुवामा १ दर्जनभन्दा बढी जिल्लाका इन्चार्ज फेरिएका छन् । त्यसमा कपिलवस्तु पनि परेको छ । अब जिल्ला प्रहरी कार्यालय कपिलवस्तुमा एसपी नवरत्न पौडेल आउने भएका छन् । लुम्बिनी प्रदेश प्रहरी कार्यालय मानव श्रोत ब्यवस्थापन शाखा दाङबाट पौडेल कपिलवस्तु सुरुवा भएका हुन् । यसअघिका प्रमुख प्रेम बहादुर बस्नेत थिए । उनी नेपाल प्रहरी विशेष सुरक्षा गण महेन्द्रनगर सरुवा भएका छन् ।

यस्तै पूर्वी नवलपरासीमा नरहरि रेग्मी जाने भएका छन् भने जिल्ला प्रहरी कार्यालय बारामा सुरेश काफ्लेलाई सरुवा गरिएको छ । सप्तरीमा गजुसिद्धि बज्राचार्य सरुवा भएका छन् ।
।

जिल्ला प्रहरी कार्यालय सुनसरीमा विपिन रेग्मीलाई पठाइएको छ । भक्तपुरमा वेद विष्ट, रौतहटमा महेन्द्र कुमार श्रेष्ठ, कास्कीमा मोहन कुमार थापा र उदयपुरमा रमेश थापालाई पठाइएको छ । दाङमा रामबहादुर केसी, इलाममा वासुदेव खतिवडा र नुवाकोटमा सञ्जय सिंह थापा गएका छन् ।