कपिलवस्तु । १५ औं कालिका कप खुल्ला पुरुष भलिवल प्रतियोगिताको उपाधि हिलबर्ट इङ्गलीस बोर्डिङ्ग स्कुलले प्राप्त गर्न सफल भएको छ ।
कालिका क्लवले आयोजना गरेको १५ औं कालिका खुल्ला पुरुष भलिवल प्रतियोगितामा उत्कृष्ट खेल प्रदर्शन गर्दै हिलवर्टले उपाधि जित्न सफल भएको हो ।
बाणगंगा १० धरमपुरमा सम्पन्न प्रतियोगितामा मणिमुकुन्द भलिवल क्लव (रातो) लाई हराउदै हिलबर्टले शानदार जित निकालेको हो ।
उपाधि जितेसंगै हिलबर्टले नगद रु ६१ हजार, शिल्ड, मेडल र प्रमाण पत्र प्राप्त गरेको छ ।

उपाधि जित्न सफल भएसंगै विद्यालका अध्यक्ष दिप खनाल र प्रबन्ध निर्देशक बुद्धि पौडेलले सम्पुर्ण खेलाडीहरुलाई बधाई ज्ञापन गरेका छन् ।