कपिलवस्तु । वाणगंगा नगरपालिकामा न्यू गुराँस ट्रेड लिंङ्क खुलेको छ । होल सेल र थोकमा इलेक्ट्रिक सवारी (स्कुटर, साइकल) पार्टस् विक्रिवितरण गर्ने उद्धेश्यले न्यू गुराँस ट्रेड लिंङ्क खुलेको हो । बाणगंगाका ७ जना युवा व्यवसायीको संयुक्त लगानीमा संचालनमा आएको ट्रेड लिंङ्कको सोमबार उद्घाटन गरिएको थियो ।

कपिलवस्तु उद्योग वाणिज्य संघका अध्यक्ष डोलकराम घिमिरेले शोरुमको उद्घाटन गरेका थिए । उद्घाटन सत्रमा सहभागि भएका उद्योगी नेताले ट्रेड लिंङ्कले सर्वसाधारणलाई सहुलियतमा विद्युतीय सवारी साधन उपलब्ध गराउने विश्वास गरे । उद्योग वाणिज्य संघ कपिलवस्तुका अध्यक्ष घिमिरेल बढ्दो वैदेशिक पलायनलाई रोक्ने लगानीकर्ता प्रेरणाको स्रोत भएको बताए । व्यवसाय संचालन गर्न आफू र संस्थाले सहयोग गर्ने बताउँदै प्रसंसा गरे ।

उद्योग ब्यापार संघ कपिलवस्तुका अध्यक्ष खिमानन्द पौडेलले यस ट्रेड लिङ्कले व्यवसायसंगै रोजगार सिर्जनामा योगदान दिन लगानीकर्तालाई अनुरोध गरे । आर्थिक मन्दीको समयमा पनि व्यवसायमा लगानी गर्न हिम्मत गरेको भन्दै उनले व्यवसायीको प्रसंसा गरे । नगरमा औद्योगिक ग्राम स्थापना गर्न नसक्ने हो भने समस्या सिर्जना हुने भन्दै यसतर्फ स्थानीय सरकारको ध्यानाकर्षण गराए ।

त्यस्तै चेम्बर अफ कमर्स कपिलवस्तुकी अध्यक्ष धनकुमारी अधिकारीले वर्तमान सरकार युवा, रोजगार र व्यवसाय प्रति अत्यन्तै सङ्कुचित हुँदा पनि कपिलवस्तुमा नै यति ठुलो लगानि गरेको भन्दै व्यवसायीक सफलताको शुभकामना दिईन् ।
लायन्स क्लब अफ कपिलवस्तुका निवर्तमान अध्यक्ष राम सुभाग्गे थारूले विद्युतीय सवारी साधनको महत्वको बारेमा प्रस्ट पार्दै यस्तो समय सान्दर्भिक व्यवसाय सफल हुने बताए । आफूले विगत देखि नै विद्युतीय सवारीलाई विशेष महत्वमा राखेको भन्दै जिल्लामा यसको सम्भावना प्रशस्त रहेको बताए । सवा करोडभन्दा बढिको लगानीमा सुरु गरिएको व्यवसायमा ४ जनाले प्रत्यक्ष रोजगारी पाएका छन् ।

विश्वभरि इन्धनको अभाव भैरहेको समयमा विद्युतको प्रयोगलाई बढाउन र वातावरणको संरक्षण गर्ने उद्देश्यले व्यवसाय संचालन गरेको प्रमुख संचालक व्यवसायी विष्णु घिमिरेले बताए ।

उनले सहुलियतमा विद्यूतीय सवारी उपलब्ध गराउने आफूहरुको योजना रहेको बताए । कम्पनीबाट सिधै सवारी आउने भएकाले अन्य स्थानबाटभन्दा आफूहरुकहाँबाट सवारी खरिद गर्दा सस्तो हुने उनको प्रष्टिकरण छ । ट्रेड लिंकका प्रबन्धक सन्तोष गैरेले सबैबाट सहयोग हुनेमा विश्वास गरे ।

स्वागत मन्तव्य राख्दै सञ्चालक विष्णु प्रसाद गैरेले विश्व बजारमा विद्यूतीय सवारीको माग बढेकाले कपिलवस्तुमा पनि यसको प्रयोग बढाउने बताए । उद्घाटनको अवसरमा केहि दिन छुट र आकर्षक उपहार राखिएकोले मौकाको फाइदा उठाउन संचालकको आग्रह छ । कार्यक्रममा व्यवसायी, विभिन्न संघ संस्थाका पदाधिकारी, पत्रकार, लगायतको उपस्थिति रहेको कार्यक्रमको थियो ।