कपिलवस्तु । राष्ट्रिय स्वतन्त्र पार्टीका सभापति रवि लामिछाने शनिबार साँझ कपिलवस्तु जाने भएका छन् । दुर्घटनामा निधन भएका पार्टीका लुम्बिनी प्रदेशका शिक्षा विभाग प्रमुख डाक्टर रोमनाथ बरालको परिवारलाई भेट्न सभापति लामिछाने वाणगंगा आउने भएका हुन् ।

वडा नम्बर २ पिपरास्थित घरमा लामिछाने साँझसम्म आइपुग्ने प्रदेश प्रवक्ता कमल पोख्रेलले बताए । पार्टीको महत्वपूर्ण विभागमा रहेर काम गरेका बरालको निधनले पार्टीमा अपुरणीय क्षति पुगेको पार्टीको ठहर छ । लामिछानेसंगै केन्द्र र प्रदेशका केहि नेता आउने पोख्रेलले बताए ।

शुक्रबार दाहसंस्कारमै पुग्ने तयारी भए पनि उडानमा भएको गडबडीका कारण उनी आज आउन लागेको बताइएको छ । केहि घण्टा बसेर स्वर्गिय बराललाई श्रद्धाञ्जली दिने र परिवारलाई सान्तवना दिने कार्यक्रम रहेको बताइएको छ ।