काठमाण्डौँ । नेपाल विद्यूत प्राधिकरण तौलिहवा वितरण केन्द्रले कपिलवस्तुले काटेको पत्रमा त्रुटी नै त्रुटी देखिएका छन् । विद्यूत अवरुद्धबारे सुचना दिन काटिएको पत्रमा जिल्लाका ठाउँको नाम नै बिग्रिएको देखिन्छ ।

इन्जिनियर तिलकराम चौधरीको हस्ताक्षर रहेको पत्रमा गोरुसिंगेलाई ‘गोरुसिंघे’-गुरुसिन्धे’, दायाँ बाँयालाई ‘दया बया’, पत्थरकोटलाई ‘पथार्काेट’ लेखिएको देखिन्छ । यस्तै अन्य थुप्रै ब्याकरणिक त्रुटी पनि छन् ।

शनिबार (असोज २०) गते तौलिहवा वितरण केन्द्र अन्तर्गतका गोरुसिंगे पत्थरकोट लगायतका स्थानमा ३३ केभी लाइनको वरिपरि सफाई गरिने भएकाले विद्यूत जाने भनेर सुचनामा उल्लेख गरिएको छ ।

नेपाली भाषा विज्ञानका शिक्षकले सरकारी कार्यालयबाट काटिने /सार्वजनिक हुने पत्रमा कुनै पनि भाषिक र ब्याकरणिक त्रुटी हुन नहुने बताउँछन् ।

पत्र सार्वजनिक हुनासाथ विद्यूत प्रवाह हुने स्थानको नाममा नै प्राधिकरणका कर्मचारीको अनविज्ञता रहेको भनेर आलोचना पनि हुन थालेको छ ।
नेपाल पत्रकार महासंघ लुम्बिनी प्रदेशका अध्यक्ष वसन्त गिरीले फेसबुकमार्फत् पत्र सार्वजनिक गर्दै लेखेका छन् एउटा चिट्ठी त राम्रोसंग लेख्नुस् इन्जिजियर साब् भनेर आलोचना र ब्यङ्गय गरेका छन् ।