कपिलवस्तु । ‘दोस्रो मोतिपुर फूलबारीकप फूटबल २०८०’ मा बाणगङ्गा वेलफेयर एण्ड स्पोर्ट क्लबले बिजयी सुरुवात गरेको छ । वडा नम्बर ७ मा रहेको मोतिपुर प्रगतिशील युवा क्लवको आयोजनामा शनिबारदेखि सुरु भएको खेलमा आयोजकलाई हराउँदै वाणगंगाले विजयी सुरुवात गरेको हो ।

निर्धारित ९० मिनेटको खेमा दुवै टिमबाट १–१ गोलको बराबरीपछि खेल पेनाल्टी सुट आउटमा गएको थियो । पेनाल्टीमा वेलफेयर भाग्यमानी सावित भयो । उसले ४ गोल गर्दा प्रगतिशिलले जम्मा २ गोल गर्यो । खेल हारेसंग आयोजक प्रतियोगिताबाट बाहिरएको छ ।
प्रतियोगिताको आज एक कार्यक्रमका बीच उद्घाटन गरिएको थियो । क्लबका अध्यक्ष शंकर प्रसाद न्यौपानेको अध्यक्षतामा सम्पन्न कार्यक्रममा प्रतिनिधि सभा सदस्य बलराम अधिकारी, प्रदेश सांसद विष्णु पन्थी, नगर पालिकाका मेयर चक्र अर्याल, वडा नम्ब्र ७ का वडा अध्यक्ष विष्णु गिरी लगायतको सहभागिता थियो । कार्यक्रमाको संचालन पत्रकार राजेन्द्र खनालले गरेका थिए ।