कपिलवस्तु । वाणगंगा नगरपालिकाको वडा नम्बर ७ मोतिपुर झिलीमिली भएको छ । दशैँ भित्रिएसंगै स्थानीय प्रगतिशिल युवा क्लवले मोतिपुरलाई झिलीमिली बनाएको हो ।

बिभिन्न सामाजिक र मानवीय काम गर्दै छुट्टै पहिचान बनाएको क्लवले यसपटक टोललाई झिलीमिली बनाएपछि स्थानीय पनि खुसी भएका क्लवका सहसचिव असिम भट्टराइले अपि टाइम्सलाई जानकारी दिए ।
झिलीमिलीसंगै सेल्फी जोन पनि बनाएपछि अहिले फोटो, भिडिओ र टिकटक बनाउनेको भीँड लागेको भट्टराइले जानकारी दिए ।
क्लवमा लागेका ब्यक्तिहरुको ब्यक्तिगत प्रयास र केहि सहयोग जुटाएर झिलीमिली बनाइको क्लवका अध्यक्ष शंकर नयौपानेले बताए । उनका अनुसार दुर्गामन्दिरदेखि बाटोसम्म करिब अढाइसय मिटरमा बिभिन्न रंगिन लाइट र ध्वजा पताकाले झिलीमिली पारिएको छ ।

वडाका वडा अध्यक्ष विष्णु गिरीले सामाजिक कार्यमा स्थानीय क्लवको प्रयास निकै राम्रो रहको भन्दै धन्यबाद दिए ।