काठमाडौँ । कपिलवस्तुको वाणगंगा नगरपालिका वडा नम्बर ४ स्थित ‘वाणगंगा माध्यमिक विद्यालय’ ठाकुरापुरको विद्यालय व्यवस्थापन समितिको अध्यक्षको चयन हुँदैछ । यो विद्यालय जिल्लाको जेठो विद्यालयमध्येमा पर्दछ ।

करिब ८ बर्षपछि समितिको अध्यक्ष चयन हुन लागेको हो । स्थानीय राजनैतिक दल, विद्यालय प्रशासन र स्थानीय शिक्षकको प्रतिनिधित्वको बहुमतले अध्यक्ष चयन गर्ने प्रावधान छ ।

त्यहि प्रावधानको आधारमा अहिले चयन प्रकृया भइरहेको छ, जसमा अध्यक्षमा २ जनाको प्रतिस्पर्धा छ । स्थानीय समाजसेवाी कृष्ण कुँवर र पूर्वशिक्षक मदन शाही प्रतिस्पर्धामा छन् । यी दुईमध्ये वहुमतले एक जना अध्यक्षमा चयन हुनेछन् । शाही एमालेबाट हुन् भने कुँवर माओवादीकेन्द्रबाट ।

श्रोतका अनुसार कुँवर अध्यक्ष हुने पक्का भएको छ । नेकपा एमालेसहितको समर्थनमा अध्यक्षको पक्कामा पुगेका शाही कुँवरको इन्ट्रिपछि तनावमा छन् । अध्यक्ष चुन्ने ९ जनाको प्रतिनिधित्वमा कुँवरलाई वहुमत पुग्ने भएपछि शाहीको सम्भावना सकिएको श्रोत बताउँछ ।

‘एमालेबाट २, काँग्रेसबाट २, माओवादीबाट २, विप्वल माओवादीबाट २, विद्यालयको प्रधानाध्यापक र शिक्षक प्रतिनिधबाट १ /१ जना गरी ९ जनाले समितिको अध्यक्ष चुन्ने प्रावधानमा कुँवरको पक्षमा एमालेबाहेकका सबैको सहमति रहेका कारण शाहीमा अब बहुमत पुग्ने सम्भावना छैन’, श्रोत भन्छ ।

व्यवस्थापन समितिको अध्यक्ष बन्ने अनुसार शाही केहि महिनाअघि स्कुलको जागिर छोडेर बसेका थिए । कुँवरको इन्ट्रि नहुँदासम्म उनकै पक्षमा बहुमत थियो । तर कुँवरको इन्ट्रिले उनलाई तनाव भएको हो ।

आफ्नो पक्षमा बहुमत पुग्ने नभएपछि एमाल प्रतिनिधिले वैठक नै वहिष्कार गरेको सम्भावित अध्यक्ष कुँवरले अपि टाइम्सलाई बताए । ९ सदस्यीय प्रतिनिधि मण्डलको अब बस्ने वैठकले अध्यक्ष घोषणा गर्नेछ । त्यो वैठक एक साताभित्र बस्ने बताइएको छ । अन्य खैलाबैला नभएको खण्डमा अबको वैठकले कुँवरलाई नै अध्यक्ष घोषणा गर्ने बताइन्छ ।

८ बर्ष पहिले गणेश चौधरी अध्यक्ष थिए । उनी भूमिगत भएपछि विद्यालयले अध्यक्ष पाएको थिएन ।

नोटः यसअघि लेखिएको कुँवरको ‘इन्ट्रि’ ले वाणगंगा माविको अध्यक्ष बन्ने शाहीको सपना तुहियो शीर्षकमा
मदन शाहीले आपत्ति जनाएपछि कुँवरको ‘इन्ट्रि’ ले वाणगंगा माविको अध्यक्ष बन्ने शाहीको योजनामा बाधा बनाइएको छ ।