काठमाडौं । आईसीसी पुरुष टी ट्वान्टी विश्वकपको एसिया छनोटको सेमिफाइनल खेलमा नेपालले आज यूएईसँग खेल्दैछ ।

समूहको उप विजेता बनेर सेमिफाइनलमा नेपालले यूएईलाई प्रतिद्धन्दीको रुपमा पाएको हो ।

खेल मुलपानी क्रिकेट मैदानमा शुक्रबार बिहान ११ बजे सुरु हुने छ ।

नेपाललाई फाइनल प्रवेश मात्र हैन विश्वकपमा छनोट हुन जित्नै पर्ने दबाब छ । त्यसकारण नेपाल गर या मरको स्थितिकाबीच खेल खेल्ने छ । किनकि जित हासिल गरेको खण्डमा मात्र नेपाल अर्को वर्ष हुने टी ट्वान्टी विश्वकपमा छनोट हुनेछ ।

नेपालले समूह चरणमा सिंगापुर र मलेसियालाई पराजित गरेपनि अन्तिम खेलमा ओमानसँग पराजित र्भपछि यो खालको दबाब सिर्जना भएको हो ।