कपिलवस्तु । बुद्धभुमि नगरपालिकामा विहिबारबाट सुरु हुने कृषि, उद्योग, तथा पर्यटन महोत्सवको उद्घाटन सत्रमा करिब २ दर्जन समुहले बाजागाजासहित सांस्कृतिक र्याली निकाल्ने भएका छन् ।

होटल तथा रेष्टुरेन्ट ब्यवसायी संघ कपिलवस्तुले आयोजना गरेको महोत्सवको नेपाल सरकारका महिला बालबालिका तथा जेष्ठ नागरिक मन्त्री सुरेन्द्रराज आचायले उद्घाटन गर्ने कार्यक्रम छ । तयसअघि महोत्सवलाई सफल बनाउन विहान ११ बजेदेखि ईलाका प्रहरी कार्यलय गोरुसिंगेदेखि प्रभातफेरि निकाल्ने आयोजकले जनाएका छन् ।

प्रभातफेरिमा बिभिन्न जाती, समुह, समुदाय, विद्यालय, भजनमण्डली, बालबालिका लगायतले बजागाजासहित झाँकी समाहित हुने महोत्सवका संयोजक तथा संघका लेखनाथ घर्तीले बताए । बुद्धभूमि थारु संस्कृतिको भण्डार रहेकाले थारु जातिका बिभिन्न समुदायले विशिष्ट खालको थारु संस्कृति पस्कने बताइएको छ । तयहि अनुसार क्लव र समुहलाई निर्देशन दिइएको बताइएको छ ।

उनका अनुसार प्रभातफेरि महोत्सवस्थल मायाज होटेलको पछाडी महोत्सवस्थलमा पुगेर समापन हुनेछ । त्यसपछि मध्यान्ह १२ बजे झाकीको डेमो ( नमुना) प्रस्तुति हुनेछ ।

करिब १ घण्टा डेमो प्रस्तुत भएपछि दिउँसो १ बजे मन्त्री आचार्यले उद्घाटन गर्ने कार्यक्रम रहेकोले सहभागिताको लागि महासचिव पदम ढकालले सबैलाई आग्रह गरे । कार्यक्रममा बुद्धभूमिका नगरप्रमुख केशव कुमार श्रेष्ठ लगायतका जनप्रतिनिधिको सहभागिता हुने ढकालले बताए ।