वाणगंगा । कपिलवस्तुको वाणगंगा क्षेत्रमा प्रहरीले लागू औषध नियन्त्रणको मिसनमा लागेर काम गरिरहेको छ । इलाका प्रहरी कार्यालय पिपरामा प्रहरी निरिक्षक गोपालजंग रायमाझीले नेतृत्व लिएपछि धमाधम लागु औषधका कारोबारी प्रहरीको फन्दामा परिरहेकोबाट पुष्टि हुन्छ प्रहरी कार्यालय पिपरा मिसनमा काम गरिरहेको छ ।

पछिल्ला दिन लागु औषधका कारोबारी पक्राउ गरिरहेको अवस्थामा फेरि प्रहरीले बाणगंगा नगरपालिकाबाट लागु औषधको प्रयोग र कारोबारीमा संलग्न रहेका २८ बर्षिय एक युवालाई पक्राउ गर्न सफल भएको छ । पक्राऊ पर्नेमा बाणगंगा २ कप्टैयाका २८ बर्षका अमित विक रहेका प्रहरी नीरिक्षक रायमाझीले बताए । विकसंगै आफ्नो कार्यकालमा अहिलेसम्म २० जना लागू औषधका कारोबारी पक्राउ परेका उनले बताए ।

लखनचोक–मेचकुरी सडकखण्डको किनारामा बसिरेको समयमा उनले लगाएको ज्याकेट चेकजाँच गर्ने क्रममा ११ पुरिया १ ग्राम ६ सय १० मिलिग्राम ब्राउन सुगर जस्तो देखिने पदार्थ सहित विकलाई पक्राउ गर्न सफल रहेको ईन्स्पेक्टर रायमाझीले बताए ।

विकलाई जिल्ला अदालतबाट ५ दिनको म्याद थप गरि प्रहरी हिरासतमा राखिएको र अनुसन्धान भईरहेको उनको भनाई छ ।
वाणगंगामा लागू औषध प्रयोगकर्ता बढेको भन्दै सरोकारवाला चिन्तित छन् ।