कपिलवस्तु । बाणगंगा वेलफेयर सोसाइटीको आयोजनामा मंसिर २१ गतदेखि सुरु भएको १४ औं कपिलवस्तु महोत्सव कृषि पर्यटन तथा औद्योगिक प्रदर्शनीमा आज पनि राष्ट्रिय चर्चित कलाकारको प्रस्तुति रहने भएको छ ।

आज कलाकारतर्फ लोक तथा दोहोरी गायक खेम सेञ्चुरी, बालचन्द्र बराल, कोपिला न्यौपाने लगायतको प्रस्तुती रहने महोत्सव सचिवालयले जनाएको छ । महोत्सवमा आज बाल कलाकार सुप्रिम मल्ल आउने भनिए
तापनि विशेष कारणवस मल्लको प्रस्तुती नरहने आयोजकले जनाएका छन् ।

महोत्सवको चौथो दिन आइतबार चर्चित गायिका अस्मिता अधिकारी लगायतका कलाकारको बेजोड प्रस्तुति रहेसँगै बुद्धरंगशाला तातेको थियो ।

आजको प्रमुख अतिथिमा एमाले कपिलवस्तुका अध्यक्ष डम्बर शर्मा रहने छन् । यस्तै चौधौँ कपिलवस्तु डान्स आइडल पनि आजको अर्को आकर्षण रहनेछ । त्यसमा उत्कृष्ट ११ जनाले प्रतिस्पर्धा गर्नेछन् ।
आइडलको प्रमुख निर्णायक हरिशरण रिजालले जानकारी दिए ।