काठमाडौँ । धनगढी उप महानगरपालिकामा नयाँ नयाँ काम गरेर चर्चामा आएका मेयर गोपाल हमालले फेरि अर्को नयाँ कार्यको सुरुवात गरेका छन् । उपमहानगरमा फायरबाइक सेवा सुरु गरेर उनले अर्को नयाँ कामको थालनी गरेका हुन् । फायर बाइकले साँघुरो स्थानमा दमकलको काम गर्नेछ ।

उपमहानगरपालिका साँघुरो र दमकल नछिर्ने स्थानमा आगलागी भएमा छिटो पुगि आगलागी निभाउने कार्य गर्न फायर बाइकको सेवा प्रारम्भ भएको मेयर गोपाल हमालले सामाजिक संजालमार्फत् जनाएका छन् । अहिलेको लागिदुई वटा फायर बाईक संचालनमा ल्याएको उनले बताए ।

फायरबाइक आगोलागि भएको स्थानमा इमरर्जेन्सी साइरन बजाउँदै जाने छन् । मेयर हमालको यो सुरुवातपछि फेरि उनको चर्चा हुन थालेको छ । मुलुकमा यस्ता मेयर हावी हुने हो भने मुलुक विकासमा समय नलाग्ने भन्दै सामाजिक संजालमा उनको प्रसंसा भइरहेको छ ।