काठमाण्डौँ । कपिलवस्तुका जीवन गिरी १० औँ विश्वस्ट्रेन्थ लिफ्टििङ च्याम्पियन बनेका छन् । भारतमा विहिबार सम्पन्न भएको विश्वस्ट्रेन्थ लिफ्टििङ च्याम्पियनसिपमा अमेरिका लगायतका खेलाडीलाई हराउँदै गिरीले गोल्ड मेडल जितेका हुन् । प्रतियोगिता इण्डियन स्ट्रेन्थ लिफ्टििङ फेडरेसनले हैदराबादमा आयोजना गरेको थियो ।

त्यसमा बिभिन्न देशका खेलाडीले भाग लिएका थिए । प्रतियोगितामा अमेरिकाका खेलाडी दोश्रो भए भने भारतका खेलाडी तेश्रो भएका थिए । गिरी हाल काठमाडौँ बस्दै आएका छन् ।

गोल्ड मेडल जितेर गिरीले नेपालको नाम राखेको भन्दै बिभिन्न ब्यक्तिले उनलाई बधाई र शुभकामना दिएका छन् । कपिलवस्तु नगरपालिकाका नगर प्रमुख सुदिप पौडेलले आफ्नो पालिकाका खेलाडीले उपाधि जित्दा निकै खुसी लागेको भन्दै शुभकामना दिए ।
मेयर पौडेलले फेसबुकमा लेखेका छन् ”देशको लागि 10Th world strengthlifting championship,Hydrabad मा गोल्ड मेडल विजेता कपिलवस्तु नगरपालिका वार्ड नम्बर २ निवासी जिवन गिरी दाइलाई धेरैधेरै बधाई छ ।”