काठमाडौँ । सडक निर्माणमा ढिलाई भएपछि नेपालमै नौलो अभ्यास गरेको राष्ट्रिय स्वतन्त्र पार्टीको पैदल यात्रा सकिएको छ । नारायणगढ बुटवल सडकमा ३ दिन लगाएर गरिएको पदयात्रामा ११३ किलोमिटर दुरी पार गर्दै सकिएको हो ।

विकासका काममा सरकारको ध्यानाकर्षण गराउन पार्टी सभापति रवि लामिछानेको नेतृत्वमा नारायणगढदेखि बुटबलसम्मको सडक खण्डमा तीन दिन लामो पैदल यात्रा तय गरिएको थियो । हरेक दिन औसतमा करिब ३५ किलोमिटरको दरले रविको टाली हिँडेको थियो ।

२०७५ साल माघमा यो सडक खण्डका लागि सरकार र चीनको चाइना स्टेट कन्स्ट्रक्सन इन्जिनियरिङ कर्पोरेसनबीच सम्झौता भएको थियो । सम्झौताअनुसार तीन वर्षमा सकिनुपर्ने सडकमा पाँच वर्ष पूरा पुग्न लाग्दा ४४ प्रतिशत मात्र काम भएको छ ।
२०८१ साल पुस मसान्तसम्ममा सकिने दाबी ठेकेदार कम्पनीले गर्दै आएपछि काम ढिलो हुँदा जनताले सास्ती पाएको रास्वपाको भनाई छ ।

रास्वपाको पैदल यात्रामा उपसभापति डोलप्रसाद अर्याल तथा सांसदहरु निशा डाँगी, हरि ढकाललगायत पनि मिसिएका थिए ।
यात्रा समापनका क्रममा बुटबलमा लामिछानेले संक्षिप्त सम्बोधन गरे । सम्बोधनको क्रममा उनले यो कुनै राजनीतिक अभियान नभएको बताए ।

बाटो निर्माण सम्पन्न नभएसम्म निरन्तर लडिरहने प्रतिबद्धता जनाएका रविले बाटोलाई यत्तिकै अलपत्र पारिएको खण्डमा अबको चुनावमा जनताले कसैलाई नछोड्ने चेतावनीदिए ।

उनले भनेका छन् यदि बाटो नबनाएर जनतालाई धूलो खुवाइरहने हो भने अब जनताले पनि तपाईंहरुलाई धूलो चटाउने छन्’
भावना झन् बढेको पाएको छु ।’