कपिलवस्तु । कपिलवस्तु उद्योग बाणिज्य संघको आगामी नेतृत्वमा युवा ब्यवसायी मोहन न्यौपाने पुग्ने सम्भावना बलियो बन्दै गएको छ । माघ २३ गते हुने संघको अधिवेशनमा अध्यक्षका आकांक्षीहरुको नाम बाहिर आउँदै गर्दा भएका छलफल र विश्लेषणबाट न्यौपाने अध्यक्ष बन्ने सम्भावना बढ्दै गएको हो ।

न्यौपानको पक्षमा नगन्यबाहेक अधिकांस पूर्वअध्यक्षहरु सकारात्मक रहेको श्रोत बताउँछ । यता न्यौपानेलाई एमालेले पनि साझा उम्मेदवारको रुपमा अघि सार्ने अपिटाइम्सले सुचना पाएको छ भने यद्यपी एमालेले अझै उम्मेदवारबारे आधिकारिक धारणा सार्वजनिक गरेको छैन । न्यौपाने अधयक्ष बन्ने सम्भावनाको पछाडी अरु कारण पनि छन् ।

न्यौपानसंगै एमालेबाट अध्यक्षको चर्चामा रहेका छन् संघका कानुनी सल्लाहाकार तथा पूर्व वडा अध्यक्ष गुणनिधि भुसाल । सहमति भए मात्र उनी अध्यक्ष बन्ने दौडमा छन् । सहमति नभएर चुनाव भए पछि हट्ने भुसालको योजना छ । शनिबार अपिटाइम्सले पाएको सुचना अनुसार गुणनिधि भुसाल सहमति भएको स्थितिमा पनि संघको अध्यक्ष बन्न त्यति रुची देखाएको स्थितिमा छैनन् । यस्तो हुँदा न्यौपानेलाई पार्टीभित्रबाट पुरा सहयोग हुन सक्छ ।

अर्कोतर्फ न्यौपानेको प्रमुख प्रतिद्वन्दीमा संघका पूर्व वरिष्ठ उपाध्यक्ष रुक बहादुर भुसाल देखिएका छन् । वन पैदवार लुम्बिनी प्रदेशका अध्यक्षसमेत रहेका भुसाल पनि चुनाव लडेर संस्था विगार्ने पक्षमाभन्दा पनि सहमतिमै नेतृत्व चयन गर्ने पक्षमा देखिएको समाचार श्रोत बताउँछ । एकथरीले भने भुसाल चुनाव लडेरै अध्यक्ष बन्ने बताउँदै आएका छन् ।

यसो भन्नेमा काँग्रेसको एक खेमा मात्र छ । चुनाव हुने स्थिति भए भुसाल पछि हटेर भए पनि सहमतिमा जानुपर्नेमा काँग्रेसको अर्को खेमा रहेको बताइन्छ ।
यसअघि संघको अध्यक्षमा काँग्रेसबाट डोलकराम घिमिरे चुनिएका थिए । चुनावबाट घिमिरे चुनिए पनि दलिय हिसाबले यसपटक एमालेको भागमा अध्यक्ष पार्न र अध्यक्षबोहकका अरु पद मिलाउन पनि काँग्रेसमाथि दबाब छ । त्यसकारण पनि न्यौपाने ग्रिन जोनमा देखिन्छन् ।

आफ्नो पक्षमा सहमति नभए चुनावबाट पनि पछि नहट्ने न्यौपानेको योजना छ । उनी भन्छन् ‘चुनाव भए पनि मेरो पक्षमा बातावरण बनिसकेको छ । त्यसकारण म पछि हट्दिनँँ । चुनाव भए पनि जित्छु । सहमति भए झनै राम्रो । अग्रजले पनि मलाई स्वतस्फुर्त नेतृत्व हस्तान्तरण गर्नुहुनेछ भन्ने विश्वासमा छु ।’

यता भुसालबाहेक न्यौपानेलाई टक्कर दिने काँग्रेसमा अरु सम्भावित उम्मेदवार पनि छैनन् । त्यसकारण रुक बहादुर भुसाल चुनावबाट पछि हटे स्वतहः न्यौपाने अध्यक्ष बन्ने पक्का छ ।

नयाँ पुस्ता र अधिकांस ब्यवसायीको रोजाइमा पनि न्यौपाने अघि देखिन्छन् । लेखा समिति संयोजक तथा पूर्व कोषाध्यक्षको भूमिका पनि कुशलतापूर्वक निभाईसकेका कारण न्यौपाने ब्यवसायीहरुमा प्रिय छन् ।

काँग्रेस, माओवादी र एमाले सबै ब्यवसायीले आफूलाई विश्वास गर्ने र संघको नेतृत्व पाए सबैलाई मिलाएर लैजाने आफूसंग क्षमता रहेको न्यौपानेको दावी छ । संघमा लामो समय नयाँ र युवा पुस्ताको नेतृत्व नरहेको भन्दै जो आए पनि युवा जोश, जाँगर भएको आउनुपर्ने न्यौपानेको भनाई छ ।