कपिलवस्तु । बाणगंगाका अधिकांश विद्यालय व्यवस्थापन समितिमा राजनैतिक हस्तक्षेपले प्रभावित भैरहेका बेला महेन्द्र उच्च मा।वि कोपवा पछिल्लो समयमा भने विकासमा एकजुटको भावना सहित नयाँ सन्देश दिन सफल भएको छ ।

महेन्द्र उच्च मा।वि कोपवाको गत १८ गते संम्पन्न भेलाले ४ जना स्थानिय अगुवा बुद्धिजिवि, शिक्षा प्रेमीहरुलाई चयन गरेको थियो । जस अनुसार आज सोहि ४ जना मध्येबाट लामो समय कोपवा को समग्र विकासमा सर्मपित हुदै आएका दधिराम आचार्यलाई सर्वसम्मत अध्यक्षमा चयन गरेको हो ।

आचार्य अध्यक्ष भएपपछि सबैले राम्रो निर्णय भएको बताएका छन् । आचार्य त्यहाँको थारु समाजमा पनि उत्तिकै लोकप्रिय छन् । सोहि विद्यालयमा २० वर्ष बढी अध्यापन गराई अवकास जिवन विताउदै आएका डिल्लीराज अर्याल सदस्य चयन भएका छन् । थारु समुदायकै नेतृत्व गर्दै समाज सेवामा सकृय उमा चौधरी, गोविन्दि थारु, राम नारायण चौधरी सदस्य बने । महिला सदस्यमा माधवी आचार्य चुनिइन् । शिक्षक प्रतिनिधिमा भने स्थानिय शिक्षक विष्णु प्रसाद अधिकारी चयन भएका छन् ।

यस अगाडी निर्मला थारुको अध्यक्षतामा शिक्षक अभिभावक संघ समेत गठन् भएको छ । महिला प्राचार्यले नेतृत्व सम्हालेपछी पछिल्लो समय विद्यालयमा परिर्वतन देखा पर्न थालेको अभिभावकहरु बताउछन् । यस गठनमा वडा अध्यक्ष दुनिका प्रसाद भुसालले सकारात्मक भूमिका खेलेका छन् । उनले चाहेको भए त्यहाँ राजनीति हुन सक्थ्यो तर भुसालले सहज तरिकाले सबैलाई मिलाएर लैजान भूमिका खेलेको त्यहाँका बुद्धिजिबी बताउँछन् ।

‘दधिराम जी आफैमा राजनैतिक लिडर मात्र नभएर कोपवा विकासका मेरुदण्ड भएको हुदाँ उहाँलाई राजनैनिक दृष्टिकोणबाट माथि उठेर विद्यालय र यस क्षेत्रको हितका लागि सवैले स्विकारयोग्य व्यक्ति छनौट गरेका छौँ । सबैलाई धन्यबाद दिन चाहान्छु’, उनले भने । वाणगंगाका अन्य स्थानमा भने राजनैतिक हस्तक्षेपले विद्यालय बयवस्थापन समिति गठन हुन सकेको देखिदैन । गठन भएका स्थानमा पनि लफडा छ । वडा नम्ब्र ४ को बाणगंगा माविमा भएको गठनबारे अझै पनि जुँगे लडाई जारी छ ।