काठमाडौँ । २०८० आसाढ ३० गते बाणगंगा नगरपालिकालाई केन्द्रित गरी अपिटाइम्सले समाचार लेख्यो ‘बाणगंगाको ६ करोडको भवनमा सभाहल, कार्यक्रम किन हुन्छन् महङ्गा होटेलमा ?’ त्यसपछि नगरको चर्को आलोचना भएको थियो । नगरको यो लापरबाहि थाहा नपाएका नगरबासी पनि अपिटाइम्सबाट यो समाचार प्रकाशन भएपछि बल्ल खबरदारीमा उत्रेका थिए । त्यतिखेरसम्म करिब ५ सय जना बस्न मिल्नेगरी बनाइएको सभाहललाई नगरले प्रयोगविहिन बनाएको थियो ।

धेरै कार्यक्रम ( नगर अधिवेशन, नगर सभा, बजेट अधिवेशन) यी ठुला कार्यक्रम होटलमा हुँदा नगरबासीको कर पनि खेर गइरहेको थियो । त्यो समाचारलाई स्थानीय संचार माध्यमले पनि प्रकाशन गरेपछि मेयर चक्र अर्यालको आलोचना पनि राम्रैसंग भएको थियो ।

त्यसपछि भने नगरपालिकाले महंगा होटलमा कार्यक्रम कम गरी बल्ल नगरको ठुलो हल प्रयोगमा तादरुक्तामा देखाउन थालेको थियो । यसपटक भने १४ औँ नगरसभा आफ्नै भवनमा गरको छ । खर्चमा मितब्ययिता अपनाउन नजानेको नगरपालिकाले यसपटक आफ्नै हलमा नगर सभा गर्नुमा त्यहि समाचारको प्रभाव रहेको सरोकारवाला बताउँछन् ।

नगरको यो कामबाट बेफ्वाँकमा होटलमा जाने नगरबासीको लाखौँ रुपैयाँ पनि जोगिएको छ । त्यहि कार्यक्रममा बाणगङ्गा नगरपालिकाले दुई वटा महत्वपूर्ण विधेयक (वन विधेयक २०८०) र (बाणगङ्गा नगर प्रज्ञा प्रतिष्ठान गठन तथा सञ्चालन विधेयक २०८० )नगरसभाले पारित गरेको छ ।

नगरको कार्यालयको माथिल्लो तलामा एउटा ठुलो सभाहल छ भने एउटा सानो मिटिङ कक्ष छ । मिटिङ कक्ष प्रयोगमा आएको देखिन्छ भने ठुलो हल नगरले प्रयोगविहिन थियो । वडा नम्बर ४ गजेहडाबाट वि सं २०७६ सालपछि नयाँ भवनमा नगरपालिकाको कार्यालय सरको थियो ।

उसो त नगरको ६ करोडकै भवनमा थुप्रै कैफियत छन् । बनेको ६ बर्ष पनि नहुँदै भवनको छत र भित्ता रसाएर पानी चुहिन थालेको छ । भवन बाहिरको रङरोगन पनि उडिसकेको छ । जसका कारण केहि भाग जिर्णजस्तो देखिन्छ । अहिले पनि भवनमाथि धेरै प्रश्न रहेका छन् ।

यस्तो थियो समाचार