काठमाण्डौँ । विश्वमै विश्वसनीय मानिएको समाचार च्यानल बिबिसी (अनलाइन) ले नै पाठकलाई झुक्याएको छ । बिबिसी अन्तर्गत नेपालमा सेवा संचालन गरिरहेको बिबिसी न्यूज नेपालीले आइतबार एउटा समाचार लेखेर सन्देश रहेको फोटो फेसबुकमा राख्यो ।

समाचार थियो ‘एसियाकै योग्य वरको चर्चा कमाएका ब्रुनाइका राजकुमारको विवाहले कैयौँ चकित’ । फेसबुकमा यो फोटो राखेर पुरा विवरण कमेन्टस्मा भनिएको थियो । तर कमेन्टस्मा पुरा विवरण नआएपछि बिबिसीको विश्वसनीयतामाथि पाठकहरुले प्रश्न चिन्ह खडा गरेका छन् ।

यो समाचार तयार पार्दासम्म समाचार पोष्ट भएको करिब आधा घण्टासम्म कमेन्टस्मा बिबिसीले पुरा विवरण हालेको थिएन । त्यसपछि पाठकले बिविध कमेन्ट गरेका थिए ।

फेसबुकमा एलोन नाम गरेका एकजनाले लेखेका थिए, ‘एउटै न्यूजको विशवास थियो त्यो पनि सकियो ।’
अशोक सिंहले ‘खै कमेन्टस् हावा ‘भनेर लेखेका थिए । यस्तै अरु कमेन्टस् पनि आएका थिए ।

यसो हुनुमा नियत नभएर प्राविधिक कमजोरी भएको हुन सक्ने बताइन्छ ।