काठमाडौँ । कपिलवस्तु उद्योग बाणिज्य संघको आगामी चुनावमा बुद्धिराम पौडेल उपाधयक्षमा उठ्ने भएका छन् । बाणगंगा नगरपालिका वडा नम्बर २ मा रहेको हिलवर्ट इङलिश बोर्डिङ स्कुलको प्रबन्ध निर्देशकको रुपमा रहेका पौडेल संघको एशोसियट उपाध्यक्षमा उठ्ने भएका हुन् ।

पौडेललाई समेटेर अध्यक्षका उम्मेदवार मोहन न्यौपानेले प्यानल बनाएका छन् । हिलवर्टलाई सफल विद्यालय बनाउनमा पौडेलको नेतृत्वदायी भूमिका छ । विद्यालयमा विगत ६ बर्षदेखि प्रबन्ध निर्देशककै भूमिकामा पौडेल छन् । उनकै सक्रियतामा विद्यालयले प्रदेशमै ख्याति कमाएको छ ।

पार्टीका नेताहरु, ब्यापारी तथा ब्यवसायी, शुभचिन्तककै सल्लाहमा उठ्ने निर्णय गरेको भन्दै पौडेलले सहयोग पाउने विश्वास ब्यक्त गरे । जित हासिल गरेको खण्डमा साना-ठुला सबै ब्यापारीको हित हुने गरी काम गर्ने पौडेलको उद्घोष छ ।

आफ्नो उम्मेदवारी युवाहरुको प्रतिनिधित्व रहेको पौडेलको दावी छ । पौडेलको प्रतिद्वन्दीमा काँग्रेसबबाट अध्यक्षका उम्मेदवार गणेश बहादुर क्षेत्री नेतृत्वको प्यानलका राम जि सेन रहेका छन् । संघको माघ २३ गते सोह्औँ साधारण सभा तथा आठौँ अधिवेशन हुँदैछ ।