काठमाडौँ । कपिलवस्तु उद्योग बाणिज्य संघको चुनाव नजिक आइरहँदा एकपछि अर्को पदमा उम्मेदवारी दिने क्रम बढिरहेको छ । उम्मेदवार एकपछि अर्को गर्दै थपिँदा चुनाव रोचक बन्ने त छ नै उस्तै गरी पेचिलो बन्ने निश्चित देखिएको छ ।

यसैबीच संघका पूर्व सहकोषाध्यक्ष कृष्ण गैरेले पनि सचिवमा उठ्ने घोषणा गरेका छन् । गैरे उम्मेदवार रहने चर्चा भए पनि उनको पद क्लियर थिएन । तर मंगलबार भने फेसबुकमार्फत् सचिवमा उठ्ने जनाएका छन् । फेसबुकमा पद नखुलाए पनि अपिटाइम्सको जिज्ञासामा उनले सचिव पदमा उठ्ने निर्णय भएको जनाए ।

गैरे नेकपा एमालेनिकट हुन् । उनी मोहन न्यौपानेको प्यानलबाट उठ्ने हुन् या स्वतन्त्र त्यो भने अझै थाहा हुन सकेको छैन । प्यानमा नपरे स्वतन्त्र भए पनि उठेर चुनाव जित्ने गैरेको दावी छ । ब्यवसायिक हकहित र संस्थागत शुसासनको लागि आफ्नो उम्मेदवारी रहेने गैरको भनाई छ ।