काठमाडौँ । सुनसरीको धरान उप महानगरपालिकाका प्रमुख हर्क साम्पाङ राईले मंगलबार एउटा तस्वीर फेसबुकमार्फत् सार्वजनिक गरे ।

श्रमदानलाई संस्कृतिको रुपमा विकास गरिरहेका प्रमुख राईले फोटो मात्रै राखेनन् त्यहाँ एक सन्देश पनि लेखे । तस्वीरमा उनले काँधमा बोरा बोकेका छन् । साम्पाङको लेखाईमा तयो बालुवाको बोरा हो । उक्त बोरा बोक्नुलाई उनले बालुवाको बोरा बोकेको रुपमा नलिएर जिम्मेवारीको बोरा बाकेको रुपमा लिएका छन् ।
उनले लेखेका छन् ‘बालुवाको बोरा होइन जिम्मेवारी बोकेको हो १ यो देशको जिम्मेवारी १ अरु जस्तो सुन र पैसाको कालो धनको बोरा बोक्न जान्दिन र चाहन्नं म, मेरा प्रयासहरुले कति बन्ला या नबन्ला यो देश तर मैले दिएको संदेशलाई गम्भीर बनेर ग्रहण नगरे देशमा कहिल्यै उन्नति हुनेछैन ,नेता र कर्मचारी अनि ठेक्केदारले बनाइदिन्छ यो देश भन्दै आशा हेर्दै बसेको कारण अब मर्नु न बाँच्नुको स्थिति नजिकिंदैछ, मलाई चारै तिर बाट घेरेर सिध्याउन अनि लडाउन चाहनेहरुले बुझ्नु तिमीहरुको सन्तानको भविष्य बोक्दैछु म यो बोरामा आज तिमी जे सुकै भन म आफ्नो पथमा अबिचलित छु, एक दिन सबैले यो देशको भारी बाँडिचुँडी बोक्नेछौँ भन्ने कुराको बिश्वास लिएको छु मैले १ स्वार्थ होइन समर्पणको भावले गरेको हरेक कुरा सफल बन्छ नै मलाई असफल बनाउन लागेका सबैको सपना तुहिएर जानेछ किनकी यो देश अब रोकिन्न छेकिन्न ‘ यो देश अघि बढ्छ नै ।’