कपिलवस्तु । ईलाका प्रहरी कार्यालय पिपरा वाणगंगाको सक्रियतामा पक्राऊ परेका फरार प्रतिवादीहरु जेल चलान् भएका छन् । कारागार चलान् हुनेमा वाणगंगा नगरपालिका वडा नं ६ अमौली बस्ने २८ बर्षिय तुल्सीराम थारु, २६ बर्षका शिव शंकर भन्ने शालिकराम थारु रहेका छन् ।

कपिलवस्तु जिल्ला अदालत तौलिहवाबाट २०७६।०५।१० गतेको फैसला आदेशानुसार लगत नं ३०८० भएको कर्तव्य ज्यान मुद्धा सम्बन्धि कसुर मुद्धामा दोषी ठहर भएका उनीहरुको जनही ९ बर्ष (जम्मा २७ बर्ष ) कैद भुक्तान गर्न बाँकी रहेको थियो ।कैद भुक्तान नहुँदै उनीहरु फरार थिए ।

प्रहरी नीरिक्षक गोपाल जंग रायमाझीका अनुसार खोजतलास गर्दै जाँदा उनीहरु २०८०।११।०७ गते फेला परेका थिए । त्यसपछि कानुन बमोजिम पक्राउ गरि अदातलमा पेश गरिएकोमा अहिले जेल चलान् भएका रायमाझीले बताए ।

उनीहरुले २०७४/०६/१५ गते दिउसो साढे ३ बजे बजे बाणगङगा ६ लक्षमणघामा हेल्मेटले कुटपिट गरी
२२ बर्षका राम बहादुर थारुको हत्या गरेका थिए भने घटनामा गोपाल प्रसाद थारु घाइते भएका थिए ।
दसैको मुर्ति बिसर्जन गर्ने क्रममा घटना भएको थियो ।

गत साउन १ गते यता ईलाका प्रहरी कार्यालय पिपरा शान्ति सुरक्षा कायम गर्न सफल देखिएको छ। यी ३ सहित ३० जना प्रतिवादीलाई रायमाझीको नेतृत्वले पक्राऊ गर्न सफल भएको छ । यसलाई स्थानीयले प्रहरीको सफलतासंग दाँजेका छन् ।