काठमाडौँ । शनिबार कपिलवस्तु पुगेका राष्ट्रिय स्वतन्त्र पार्टीका सभापति रवि लामिछानेले बाणगंगा नगरपालिकास्थित बुद्ध रंगशालामा भएको खुला सभामा करिब ४५ मिनेट भाषण गरे । भाषणमा लामिछानेले आफूलाई घेराबन्दीमा पारिएको देखि सरकार असफल भएसम्मको कुरा गरेका छन् ।

हजारौँ जनता सहभागि भएको कार्यक्रममा निकै आक्रामक भाषण गरेका रविले मध्यावधि चुनावको कुरा पनि निकालेका छन् ।
भाषणको सुरुवात रविले आफूमाथि भएका आक्रमणबाट गरेका थिए । कपिलवस्तुको कार्यक्रम असफल पार्न बिभिन्न तत्व लागेको प्रसंग निकाल्दै आफूमाथि सुरुदेखि नै आक्रमण भएको कुरा जानकारी गराएका थिए ।

अहिले सम्पत्ति शुद्धिकरण विभागले आफ्नो सम्पत्ति छानबिन गर्ने कुरा गरिरहेकाले उनले त्यसमा आपत्ति जनाए ।
देश र जनताको लागि ज्यान दिएर लागेको मान्छेमाथि भ्रष्टाचार गरी अकुत सम्पत्ति आर्जन गरेकाले गर्ने शुद्धिकरणको कुनै अर्थ नहुने लामिछानेले बताए ।

यसैक्रममा लामिछाने सरकारविरुद्ध खनिएका छन् । वर्तमान सरकार र प्रधानमन्त्री पुष्पकमल दाहाल प्रचण्डको खरो विरोध लामिछानेले गरेका थिए ।
प्रधानमन्त्री र तिन दलको ध्यान सरकार रहेकाले उहाँहरुले आगामी ८४ सम्म देश र जनताको लागि केहि गर्न नसक्ने लामिछानेले ठोकुवा गरे ।

अब ८४ कुर्नु ब्यर्थ रहेको भन्दै मध्यावधि चुनाव हुनुपर्ने लामिछानेको भनाई छ । उनले भने भर्खरै मधयावधि चुनाव त नहोला तर आदणीय जनताहरु ३ दलको यहि हालत हो भने मध्यावधि चुनाव नहोला भन्न सकिन्न । अहिले दूध बेच्ने किसानले पोद्यनु परिरहेको भन्दै कपिलवस्तुकै कृषिमन्त्रीले काम गर्न नसकेको लामिछानेको भनाई छ ।

आफू रआफ्ना पार्टीका नेता जेल गए पनि ८४ को चुनावमा मतपेटिकामा घण्टी छाप लगाउनबाट कसैले रोक्न नसक्ने उनको दावी छ ।

गृहमन्त्री हुँदा आफूले ३४ दिनमा धेरै राम्रो काम गरेको भन्दै ३४ बर्षसम्म देशको शाषनमा रहेका यी नेताले भ्रष्टाचार गरेर देश लुटेको बताए । अब ८४ पछि रास्वपाको नेतृत्वमा सरकार बन्ने लामिछानेको दावी छ ।
सभापति लामिछानेले अहिलेका ३ । ४ दलको भण्डाफोर गरे । अझै पनि जनतालाई रक्सी, मासु र वियरमा झुकयाउन खोजेकाले अब त्यो सम्भव नरहेको पनि कपिलवस्तुको कार्यक्रमबाट पुष्टि भएको रविको भनाई छ ।