काठमाडौँ । गोदावारीमा नेपाली काँग्रेसको महासमिति वैठक जारी छ । नेताहरुले मिल्यौँ भनेर मौखिक रुपमा भनेका छन् तथापि अझै पनि काँग्रेसभित्र एक मन नभएको कुरा आइरहेको छ । यो विषयलाई बिभिन्न नेताले बिभिन्न तरिकाले प्रकट गरिरहेका छन् । यसैगरी नेपाली काँग्रेसका युवा नेता सुदिप शर्माले पनि काँग्रेभित्र एक मन हुनुपर्ने भन्दै काँग्रेसले युवाहरुलाई समेटेर अघि बढे मात्र मुलुकको हित हुने बताएका छन् । युवा अघि बढ्नु पर्ने बताइरहँदा काँग्रेसका युवा भनिने नेता नै भागण्डामा लाग्दा धेरै युवा निरास भएको उनले बताए ।

यस्तो छ नेता शर्माको विचार
”नेपाली कांग्रेसभित्र भागबन्डाको पसल चलाउने अनि पार्टी रुपान्तरणको गफ दिने, दुर्भाग्य यी सबै गतिविधिको अगाडि युवा भनिएका नेता नै काँग्रेस भित्र भागबण्डाको व्यापार गर्छन् । आज होइन हिजोका दिनदेखि नै हो हामीले देख्यौँ ।सरकारदेखि भ्रातृसंस्था सबैजसो ठाउँमा भागबन्डा,त्यो पनि ४०% । जुन देशमा युवा, विद्यार्थीहरुले आफ्नो सृजनात्मक श्रम, सीप र बुद्धि विवेक देशका लागि खर्च गरेका छ्न त्यस मुलुकको मुहारमा विकासको मुस्कान देख्न पाइएको छ ।
राष्ट्र विकासको रथ हाक्ने आधारभुत शक्ति भनेको विद्यार्थी र युबा बर्गको शक्ति नै हो र बास्तबमा उक्त शक्ति नै देश विकासको उर्जा हो । विद्यार्थी र युबा उर्जाको क्षमताले जुनसुकै चुनौती र अबरोधहरुलाई पाखा लगाइ नयाँ सोच र नयाँ प्राविधिबाट विकासको गोरेटो कोर्न सक्छन् । जीवनको चक्रमा हरेक ब्यक्ति एकपल्ट युवा अबस्थामा पुग्छ्न र व्यतिगत रुपमा कुनै पद वा अहोदामा बसेर वा नबसेरै भए पनि राष्ट्रिय विकासको सहभागी भएकै हुन्छन् । तर्सथ देश विकासको गहकिलो जिम्मेवारिलाई बोक्न सक्ने बलियो खम्बाका रुपमा रहेका विद्यार्थी र युबा बर्गलाई गुटगत भेला, अल्छी हुन र कुलतमा बरालिन नदिई उनीहरुको जोश र जागरलाइ सम्मान गरि नेपाली काँग्रेसले राजनीतिमा स्थान दिएको खण्डमा राजनीति फोहोर खेल हो भन्ने युवाहरूको सोच परिवर्तन हुन सक्छ । लोकतन्त्रमा पार्टी र विकल्प हुनु निश्चय नै राम्रो कुरा हो । तर घरमा भैंसीले दुध दिएन भने रककागो पालेर हुदैन। गन्तव्य नभएको राजनीतिले होहल्ला गर्न सक्छ तर समाजलाई डोर्याउन असम्भव छ। युवा भनेको देशको अनमोल, अनन्त शक्ति हो । देशको भविष्यको सबैभन्दा ठूलो पुँजी हो। युवा वर्गको विशिष्ट शक्तिलाई राष्ट्र निर्माणको सन्दर्भमा समेट्नु आजको आवश्यकता हो।”