काठमाडौँ । हात्तीपाइले रोगको निवारमा कपिलवस्तु फेरि पनि असफल भएको छ । १५ चरणको अभियान संचालन गरिएको भए पनि अभियानले कपिलवस्तुमा हात्तीपाइले रोगको निवारण गर्न सकेन । हात्तीपाईले रोगको नुमना परिक्षण गर्दा फेरि संक्रमण देखिएबाट यस कुराको पुष्टि हुन्छ ।

किटजन्य रोग अनुगमन तथा तालिम केन्द्र हेटौडाले गत पुस १७ देखि एक हप्ता सम्म जिल्लाको ४ पालिकामा गरेको आईडिए ईनपेक्ट सर्वे पहिलो ) नमुना परिक्षणबाट सो तथ्य बाहिर आएको हो ।

२० बर्ष माथीका उमेर समुहको ब्यक्तिको नमुना रक्त संकलन गरी परिक्षण गरिएका थियो । कपिलवस्तुको महाराजंज र कृष्णनगर नगरपालिका तथा बाणगंगा र शिवराज नगरपालिकामा गरी १ हजार २५८ जनाको नमुना रक्त परिक्षण गर्दा १२ जनामा माईक्रो फाईलेरियाको जिवाणु फेला परेको स्वास्थ्य कार्यालय कपिलवस्तुका फोकल पर्सन उदयचन्द्र चौरसियाले बताए ।
अभियान चलाइएपछि कुनै पनि जिवाणु फेला नपरेको अवस्थालाई मात्र हात्तीपाइले निवारण भएको मानिन्छ । हात्ती पाइले निवारणमा १५ औँ चरणसम्मको अभियानमा अहिलेसम्म राज्यको करोडौँ लगानी भएको छ ।

यसो हुनुको पछाडी निगरानीमा स्वास्थयकर्मीको टोलीले औषधी खुवाउन नसक्नु, अभियानलाई सफल बनाउने गरी नलाग्ने सरकारी कर्मचारीको पारा, औषधीले साइड इफेक्ट गर्छ कि भन्ने चेतना इत्यादिलाई लिइन्छ ।
हात्तीपाइले रोग, यसका असर, यस विरुद्धको औषधि र यो रोग निवारणको बारेमा जनतालाई स्पष्ट जानकारी दिँदै औषधि खानका लागि प्रेरित गर्नुपर्ने चौरासियाले बताए ।

हात्तीपाइले रोग विरुद्धको औषधि खाएपछि टाउको दुख्ने, वाकवाकी लाग्ने जस्ता समस्या देखिन सक्ने र यो सामान्य नै भएकाले नआत्तिन सुझाव दिनुभयो यो औषधि दुई वर्षमुनिका बालबालिका, गर्भवती, दीर्घकालीन रोगी, एक हप्ता नपुगेका सुत्केरी र खाली पेटमा भने नखान चिकित्सकको आग्रह छ ।

अभियानमा जिल्लाभरबाट ६ सय बढी ११ स्वास्थ्यकर्मी र ११ सय ५ स्वयमसेविका खटिएका थिए । यसो गर्दा अहिलेसम्म खर्चको दर करोड ना३न लागेको छ । तर निवारण हुन सकेको छैन । यसबाट कपिलवस्तुमा हात्तीपाइले रोग निवारण चुनौतिपूर्ण छ भनेर बुझ्न सकिन्छ ।