काठमाडौँ । नेपालकी चेली मेनुका पौडेल इण्डियन आइडल सिजन १४ को उत्कृष्ट १० बाट बाहिरिएकी छन् । आइतबार राति भएको गायनमा उनी सबैभन्दा कम मत ल्याएर आइडलबाट बाहिरिएकी हुन् ।

उनी बाहिरिँदा मञ्च नै आशुले डुवेको थियो । सुरुवातदेखि नै आइडलमा धूम मच्याएकी मेनुकाले कति कठोर संघर्ष गरेकी थिइन् भन्दा उनले याद गरेका गीतबाट थाहा हुन्छ । समाचार श्रोतका अनुसार मेनुकाले बिभिन्न विधाका १२ सय बढी गीतहरु याद गरेकी थिइन् ।

जुनसुकै गीतको गायनमा निर्णयक र दर्शकको मन जितेकी मेनुकालाई आइडलको प्रमुख उपाधि दावेदार मानिएको थियो । पूर्ण दृष्टिविहिन मेनुका आइडलबाट बाहिरिएसंगै नेपाल र भारतका धेरै मानिस दुखि भएका छन् ।