काठमाडौँ । कपिलवस्तुबाट फुटवल खेलिरहेकी पुर्णिमा थारु पहिलोपटक राष्ट्रिय टिममा परेकी छन् । कपिलवस्तुको प्रतिनिधित्व गर्दै थारु १६ बर्ष मुनिको महिला राष्ट्रिय टिममा पर्न सफल भएकी अखिल नेपाल फुटवल एशोसियसनले जनाएको छ । एशोसियसनले सार्वजनिक गरेको खेलाडीको अन्तिम नामावलीमा थारुको नाम २३ औँ नम्बरमा राखेको छ । थारु फरवार्डको भूमिकामा खेल खेल्ने छिन् ।

जिल्लाबाट पहिलोपटक थारु राष्ट्रिय टिममा पर्नु गौरवको कुरा रहेको भन्दै फुटबल संघका जिल्ला अध्यक्ष तिलक थापाले बधाई दिएका छन् । आफूले थारुको खेल नजिकबाट नियालिरहेको भन्दै उनमा धेरै सम्भावना रहेको थापाले बताए । कपिलवस्तुले पहिलोपटक यो उपलब्धि हासिल गरेको थापाको भनाई छ । राष्ट्रिय टिममा परेपछि थारुले पनि खुसी ब्यक्त गरेकी छन् ।