कपिलवस्तु । बुद्धभुमि नगरपालिकामा सरकारी विद्यालयको प्रश्न पत्र आउट भएको छ । आधारभुत तहको प्रश्न पत्र आउट भएपछि चैत्र ४ गतेको परीक्षा नै रद्ध गर्नुपरेको अवस्था छ । चैत्र १२ गते संचालन भएको गणित बिषयको प्रश्न पत्र आउट भएपछि आधारभुत तह उत्तीर्ण परीक्षा संचालन तथा ब्यस्थापन समितिको वैठक बसेर परीक्षा रद्ध गरेको हो ।

नगरपालिकाको वडा नम्बर ९ जनकल्याण माविमा परीक्षा अनुगमनको क्रममा प्रश्नपत्र बाहिरिएको आशङ्का गरिएको थियो । प्रश्न हल भएको हुबहु चिट र कपी भेटिएपछि प्रश्नपत्र बाहिरिएको पुष्टि भएको थियो ।

शनिबार सोही वडाको श्री मावि इमिलियाबाट प्रश्नपत्र आउट गरिएको थियो । विद्यालयबाट दुई जना शिक्षकले खाम बन्दीबाट प्रश्नपत्र निकालेर विद्यार्थीलाई हल गराइएको अनुसन्धानबाट खुलेको नगर शिक्षा समितिका सदस्य रामप्रसाद अर्यालले बताउनु भयो । ती शिक्षकले कोचिङ पढ्दै गरेका विद्यार्थीलाई प्रश्नपत्र उपलब्ध गराएका थिए ।

समितिका अनुसार उक्त परीक्षा चैत्र ९ गते शुक्रबार हुनेछ । कसले कसरी प्रश्न आउट गरेको हो त्यो भने थाहा छैन । नगरप्रमुख केशव श्रेष्ठले यसबारे अनुसन्धान हुने र दोषी पत्ता लागे कारबाही गर्ने बताए । सरोकारवालाले प्रश्नपत्र लिक हुनुलाई गम्भरि रुपमा लिन आग्रह गरेका छन् । यी र यस्ता क्रुटीले नगरपालिकाको शिक्षा शाखाको विश्वसनीयतामा नै प्रश्न आउने उनीहरुको भनाई छ ।