काठमाडौँ । आठौँ आरबीबी एनभीए महिला तथा पुरुष भलिबल च्याम्पियनसिपको महिलातर्फ उपाधिका लागि बुटवलको एभरेस्ट भबिल क्लब र विभागीय टोली नेपाल पुलिस क्लब भिड्ने भएका छन्।

त्रिपुरेश्वरस्थित राष्ट्रिय खेलकुद परिषद् -राखेप_ को कभर्डहलमा बिहीबार सम्पन्न दोस्रो सेमिफाइनलमा न्यू डायमन्ड स्पोर्ट्स क्लबलाई ३ ० को सोझो सेटमा पराजित गर्दै एभरेस्टले पुलिससँगको भेट पक्का गरेको हो।

पहिलो सेट २५-२० ले जितेको एभरेस्टले त्यसपछिका दुई सेट २५-१२, २५-१८ ले आफ्नो पक्षमा पारेको थियो।

यता, शुक्रबार नै सम्पन पहिलो सेमिफाइनलमा विभायीय टोली नेपाल एपीएफ क्लबलाई ३-१ को सेटमा पराजित गर्दै पुलिस उपाधिनजिक पुगेको थियो।