चन्द्रकान्त न्यौपाने

काठमाडौँ । कपिलवस्तुको बाणगंगा नगरपालिका वडा नम्बर २ नन्दनगरस्थित मनकामना संस्कृत विद्यापीठबाट १९ बटुकहरु एसईईमा सहभागि भएका छन् ।

विद्यापीठका प्रधानाध्यापक कृष्ण प्रसाद पोख्रेलका अनुसार उनीहरुले विहिबार अंग्रेजी विषयको परीक्षा दिएका हुन् । बालमावि वैरिया केन्द्र पाएका उनीहरुले अंग्रेजी विषयको परीक्षा राम्रो गरेका प्रअ पोख्रेलले अपिटाइम्सलाई जानकारी दिए ।
बटुकहरुले नेपाली, गणित र अंग्रेजी विषयको परीक्षा सामुदायिक विद्यालयका विद्यार्थीसरह दिने छन् भने वेद, संस्कृत भषा, ऐच्छि प्रथममा कर्मकाण्ड र ऐच्छिक दोश्रोमा संस्कृत ब्याकरणको परीक्षा गुरुकुलमको पाठ्यक्रम अनुसार दिने प्राधानाध्यापक पोख्रेलले बताए ।

विद्यापीठले बाणगंगा नगरपालिकाबाट उच्च माध्यमिक तह सम्मको सम्बन्धन प्राप्त गरेको छ । अहिले कक्षा १२ मा १० जना विद्यार्थी अध्ययनरत छन् ।