कपिलवस्तु । कपिलवस्तु नगरपालिका तौलिहवास्थित बालगृहबाट यसपटकको एसईईमा मात्र एक जना विद्यार्थी सहभागि भएका छन् । गत बर्ष ५ जना विद्यार्थी सहभागि रहेकोमा यसपटक एक पारस बालक नाम गरेका विद्यार्थीले एसईई दिएका हुन् । बालगृहका कार्यालय प्रमुख राम प्रसाद अर्यालले अपिटाइम्सलाई दिएको जानकारी अनुसार १६ बर्षिय पारसले बुद्धपद्मा माविबाट परीक्षा दिइरहेका छन् ।

मध्यम स्तर भएका पारसले अंग्रेजी विषयको परीक्षा राम्रै दिएको अर्यालले बताए । ‘पारसको थर र ठेगाना अहिलेसम्म पहिचान नभएकाले उनको नाम नै पारस बालक राखिएको छ’, कार्यालय प्रमुख अर्याल् भन्छन् ‘प्रवेश पत्रमा पनि उनको त्यहि नाम छ ।’ बालगृहमा बस्न थालेको बर्षौ भए पनि पारसलाई भेट्न अझैसम्म कोहि नआएको अर्यालले जानकारी दिए । उनी बालगृहमा बस्न थालेको ९ बर्ष भइसकेको प्रमुख अर्यालले बताए ।

अब अर्को साल एसईई दिने बालबालिका नरहेका र त्यसपछि भने चार जना परीक्षााको लागि तयार हुने उनको भनाई छ । बालगृहमा अहिले २८ जना बालबालिकाले आश्रय लिइरहेका छन् ।