चन्द्रकान्त न्यौपाने

कपिलवस्तु। कपिलवस्तु ११ लाई ३ शुन्य गोल अन्तरले पराजित गर्दै काठमाडौँको थ्रीस्टार क्लव प्रथम कपिलवस्तु तिलौराकोट गोल्डकप–२०८० को सेमिफाइनमा पुगेको छ।

बाणगंगास्थित बुद्ध रंगशालामा शनिबार भएको उद्घाटन खेलमा ए डिभिजन क्लव थ्रीस्टारसंग कपिलवस्तु पराजित भएको हो । कपिलवस्तु हार्दा रंगशाला पुगेका सयौँ दर्शक निरास भए ।

थ्रीस्टारका लागि निरज चौधरीले २ गोल गरे भनेदिपेश घलेले एक गोल गरे । २ गोल पहिलो हाफमा भएको थियो भने एक गोल दोश्रो हाफमा भयो । पहिलो हाफको ३२औँ मिनेटमा निरजले पहिलो गोल गर्दा त्यसको ३ मिनेटपछि दिपेशले गोल गरी अग्रता दोब्बर बनाएका थिए । दोश्रो हाफको ६३औँ मिनेटमा निरजले नै व्यक्तिगत दोस्रो गोल गरेपछि कपिलवस्तुको जितो सम्भावना टरेको थियो । खेलको म्यान अफ दी म्याच निरज नै भएका थिए । थ्रीस्टारको कप्तानी भने राष्ट्रिय फुटवल टिमका पुर्व कप्तान विराज महर्जनले गरेका थिए ।

कपिलवस्तु हार्नुको मुख्य कारण टिममा कम्बिनेसनको अभाव रह्यो । २ विदेशी खेलाडी भए पनि बिभिन्न क्षेत्रबाट खेलाडी बटुलेर खेलाउँदा उनीहरुमा टिमववर्क राम्रो नदेखिएको खेलप्रेमी दर्शक बताउँछन् । केहि दिन खेलाडीबीच अभ्यास भएको भए पनि खेल राम्रो हुन सक्दथ्यो दर्शकहरु भन्छन् । कपिलवस्तुबाट विदेशी खेलाडी मुसाले पटकपटक गोलको प्रयास गरेका थिए तर थ्रीस्टारका खेलाडीबाट घेरिँदा उनले गोलको मौका पाउन सकेनन् । मुसासंग पासिङ खेल्ने खेलाडीको कम्बिनेसन हुन नसक्दा खेल खल्लो देखिन्थ्यो ।
ए डिभिजन क्लवसंग मध्यम स्तरको खेल पस्केको कपिलवस्तुको विहानसम्म पनि कप्तानको टुङ्गो थिएन । दिउसो मात्र जर्सी नम्बर १० का खेलाडी सञ्जु सेनले कप्तानीको जिम्मेवारी पाएका थिए । यसबाट पनि कपिलवस्तुको तयारी राम्रो थिएन भनेर अनुमान गर्न सकिन्छ ।
अग्रपंतिमा मुसा र रक्षा पंतीमा ओस्कारले सम्हाल्न खोजे पनि अरु खेलाडीको प्रदर्शन सम्झन लायक रहेन । खेलमा निरन्तर दबाबमा रहेको कपिलवस्तुका लागि केहि अवसर सिर्जना भए पनि गोलमा परिणत हुन भने सकेन । ३ खेलाडीबाहेक अरु स्थानीय स्तरका खेलाडी रहेकाले उनीहरुको प्रदर्शन राम्रै भएको कतिपयको भनाई छ । खेल हेरेर बाहिरिएका कतिपय दर्शकले अपेक्षा गरे अनुसार खेल देख्न नपाएको गुनासो गरेका छन् ।

कपिलवस्तु ११ भन्दा थ्रीस्टारको टिमवर्क धेरै राम्रो देखिएको थियो । तराईको गर्मी ठाउँमा खेल हुँदा मौसमका कारण खेल्न केहि समस्या भएको थ्रीस्टारका खेलाडीले बताएका थिए । प्रतियोगिताको विजेताले ११ लाख ११ हजार १११ र उपविजेताले ५ लाख ५५ हजार ५५५ रुपैयाँ, शिल्ड, मेडल र प्रमाणपत्र पाउने छन्।