कपिलवस्तु । रेडियो मायादेवी १०६ थोप्लो १ मेगाहर्ज संचालक संस्था नव छहारी सामाजिक विकास संस्था बाणगंगाकाका अध्यक्ष कृष्ण बहादुर कुँवरले नयाँ वर्ष २०८१ सालको अवसरमा शुभकामना ब्यक्त गरेका छन् ।

रेडियोको अध्यक्षमा सर्वसम्मत चयन भएपछि उनले रेडियोका नियमित श्रोता, विज्ञापनदाता, शेयर सदस्य, कार्यसमिति सदस्य तथा देशविदेशबाट रेडियो सुन्ने, शुभेच्छा प्रदान गर्ने सबैलाई शुभकामना दिएका हुन् । आपसी मित्रता र भाइचारबाट मात्र मुलुक निर्माण हुने भएकाले नयाँ बर्षसंगै रिस र प्रतिशोधलाई हटाउन अध्यक्ष कुँवरको आग्रह छ ।

बाणगंगा माध्यमिक विद्यालयको ब्यवस्थापन समिति अध्यक्षसमेत रहेका उनले रेडियोले आगामी दिनमा जनताको सुचना र समाचारलाई थप विश्वसनीय बनाउँदै लैजाने भन्दै रेडियोलाई थप प्रविधिमय बनाउने गरी अघि बढेको बताए । गणतन्त्र र लोकतन्त्रको रक्षा गर्ने काममा मिडियाको महत्वपूर्ण हात रहेको भन्दै उनले सही र सत्य सुचना सप्रेषण गर्न पनि पत्रकारहरुलाई आग्रह गरे ।

यसै गरी रेडियोका निवर्तमान अध्यक्ष नन्द किशोर शुक्ला, कार्यकारी निर्देशक चन्द्रकान्त न्यौपाने र स्टेसन मयानेजर हरि घिमिरेले पनि सबैलाई शुभकामना दिएका छन् ।